Truvian

夢想做人妻 – 黃楚婷

article

廣告

Truvian(黃楚婷)係一個好簡單嘅女仔,佢最崇拜嘅人,係一個面面俱圓,兼擁有幸福家庭嘅前店長;問佢咁早嫁唔可惜咩?佢就話既然搵到個好嘅,點解唔好好珍惜?夢想係做人妻就係小女人?每個人都有權為自己嘅人生做選擇! 自己覺得開心、享受,理得得人點講啫!

小學已經喺嘉諾撒聖芳濟各度讀書嘅Truvian,讀咗12年女校,佢覺得讀女校嘅女仔都係真性情啲,唔會造作。雖然冇男同學,不過參加一啲校外活動,同喺社區中心做義工,都可以識到男仔嘅。

既然已經諗到要做人妻,Truvian當然已經有對象啦!阿男朋友大佢七年,Truvian覺得對方好了解自己,對佢又超好,又唔會嫌棄佢成日抑鬱,心靈上又溝通得好好,感覺係可以託付終身嘅伴侶。

今年21 歲生日,阿男朋友就喺沙灘度,用咗差唔多成百支電子蠟蠋,排咗「生日快樂 I ❤ U」送俾Truvian,當時周圍有好多途人圍住影相, 甚至誤會咗阿男朋友係想求婚,搞到Truvian又驚喜,又感動!咁肯花心思,唔怪得Truvian已經認定非君不嫁啦!

問到有問信心做個出色既人妻?Truvian就話,出唔出色要視乎阿男朋友點睇!不過佢話自己一定唔會做大食懶,會同對方一齊共同負擔家庭責任,自己會俾心機煮飯同做家務,希望可以俾一個安心又温暖既家對方。嘩~~真係娶得過喎!

[youtube id=”yM3WYGnifTU”]

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: Paul Choi

拍攝: Anthony Leong

剪接: Candy

美術: Linda

Hair:Hei@KINGS Makeup

Makeup: Wasabi@KINGS Makeup

 

鳴謝:

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。