侯佩岑坐月超貴氣

侯佩岑坐月超貴氣

有台灣第一甜姐兒之稱嘅侯佩岑,9月1號升級做媽媽後,喺產後第5日終於出院。一直深得廣告商及各大品牌寵愛嘅佢,就連出院坐月都架勢過人,月子中心除咗派出價值超過4千萬新台幣嘅勞斯萊斯接送之外,仲特登封咗一層樓(3間vip房)俾佢一個人住,而且每日仲有專人負責產後飲食,想食魚翅、燕窩一樣ok!食住都咁豪,價錢當然唔平啦!住一個月就要135萬新台幣,即係差唔多36萬港紙呀!不過呢間月子中心已經請咗佢幫手拍廣告,咁梗係會俾番個discount佢啦!至於係幾多就佢自己先知喇!!!

 

咩係「月子中心」?

月子中心喺台灣非常盛行,係一個專提供俾生完BB嘅女士坐月嘅地方,形式就好似酒店咁,不過就有專人服侍,例如有醫護人員負責產後調養、營養師及大廚提供產後餐單同燉品,幫助新手媽媽調理身體;另外亦有專業護士照顧BB,教授育兒知識等。收費當然都係同酒店一樣,有分級數架啦! 最平係政府醫院附設嘅月子中心,住一日要$2,866新台幣(即約$750港紙),貴嘅就好似侯佩岑住嗰間咁,平均住一日要$15,000新台幣,即係差唔多4千蚊港紙架!!

 

 

 

更多精選內容