港大保良局暖男 – 許君豪

港大保良局暖男 – 許君豪

講佢係暖男,好似有啲肉麻,不過如果你見到佢啲朋友點錫佢,就會知道佢人品有幾唔錯;如果你見到佢點對朋友,就會知佢幾識為人設想!佢個樣係冇咩「攻擊性」,但係你一望到佢,就會覺得乾淨順眼;笑起上嚟,一樣舒服窩心!19歲嘅許君豪(Thompson),就係一個體貼、細緻嘅陽光男孩。

7425

Thompson讀中學嗰陣,最鍾意就係「摺埋」自己,好怕同人交際,又好介意人哋點睇自己,所以就算自己好鍾意打籃球,佢都唔敢入校隊,日日嘅行程,就得屋企、學校同球場。不過到中六,Thompson終於都肯走出自己嘅框框,好積極咁參加唔同嘅比賽,所以就練大咗個膽啦!

7500

不嬲都有唔少人讚Thompson靚仔嘅,不過佢又冇因為咁而有自信咗喎! 佢去參加校草選舉,本來都係為咗陪朋友,不過諗諗吓,就覺得既然參加得,就盡力去做啦! 有咩都應該趁後生去試吓!,雖然最後只係十強止步,但係佢都冇唔開心架! 反對全副心機去撐兩個入到十強嘅朋友,呢啲咪叫義氣囉!

7102

而家Thompson港大保良社區學院讀緊個high dip課程,成績都唔錯架! GPA有3.3,要升番上去讀大學應該都唔難嘅! 佢話最想就係可以入番同體育有關嘅學系,因為佢試過去小學做實習,仲好受小朋友歡迎架! 所以覺得第時如果可以喺小學教體育都唔錯! (其實做兒童節目主持都得啫! Sunday Kiss歡迎你呀!)

7654

雖然Thompson係有少少似洪永城,不過佢就唔恨有個「黃翠如」咁嘅紅顏知己,佢話寧願有一個好支持佢,同對佢好好嘅女朋友。係呀! 佢對感情好認真架!講到明唔鍾意玩玩吓,同得個女仔拍拖,就會視對方為結婚對象, 係咪好好仔先?

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Anthony Leong

剪接: Candy

美術: C.Ming

Hair+Makeup: EM Makeup

 

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容