十大奇趣抵食漢堡包 數十元有交易

十大奇趣抵食漢堡包 數十元有交易

自從數月前快餐店有自選材料漢堡包,漢堡包款式愈來多,愈來愈千奇百怪。近來最流行的,肯定是龍蝦漢堡;而新奇口味的就有煙三文魚沙律、軟殼蟹;還有出奇不意的配搭,好似梅菜和牛、辣牛漢堡配魷魚等,全部數十元一個,試得過啦!

龍蝦司令堡$88:用半隻龍蝦,加上煎原粒日本帶子、芝士、番茄和生菜,淋上龍蝦醬汁,啖啖鮮美。
1. 龍蝦司令堡$88:用半隻龍蝦,加上煎原粒日本帶子、芝士、番茄和生菜,淋上龍蝦醬汁,啖啖鮮美。

$88龍蝦帶子漢堡 全港最抵食
潮流興食龍蝦漢堡,一般售價過百,出品精緻一點,至少二三百元。不過開業2個月的紅磡小店Seafood Stand,招牌龍蝦帶子漢堡只賣$88,好可能是全港最抵食的龍蝦漢堡!點解可以咁平?皆因店主是海鮮批發,大部份海鮮都可以低價入貨,以平價賣龍蝦漢堡,無非想做出名堂。這個漢堡用重約一磅半的波士頓龍蝦半隻,煎香後拆肉,代替一般的牛肉漢堡扒,還加上一隻帶子,雙重鮮味。

每隻龍蝦重約一磅半,身長約三四吋,絕無欺場。
每隻龍蝦重約一磅半,身長約三四吋,絕無欺場。

龍蝦之外,還有軟殼蟹漢堡,是炸軟殼蟹配中蝦,是小店自創;還有深潛鱈魚堡,都是以海鮮為主;就連韓式辣牛漢堡都在牛肉漢堡扒上加一塊烤辛辣魷魚片,而且都只賣六七十元,有新意又抵食,喜歡海鮮的不容錯過。

軟殼蟹漢堡$78:又叫蝦兵蟹將堡,越式酥炸軟殼蟹加兩隻中蝦,配搭獨家,是小店自創。
2. 軟殼蟹漢堡$78:又叫蝦兵蟹將堡,越式酥炸軟殼蟹加兩隻中蝦,配搭獨家,是小店自創。
韓式辣牛漢堡$66:安格斯牛肉漢堡扒煎至七成熟口感最佳,肉汁最多,配以韓式烤辛辣魷魚絲、韓式醬汁和泡菜,還有大豆芽,惹味又爽口。
3. 韓式辣牛漢堡$66:安格斯牛肉漢堡扒煎至七成熟口感最佳,肉汁最多,配以韓式烤辛辣魷魚絲、韓式醬汁和泡菜,還有大豆芽,惹味又爽口。
claylam1014carrie3278
烤焗加拿大龍蝦$128/隻:嫌食龍蝦堡唔夠喉,可再點隻龍蝦食,每隻至少一磅半重,有香草蒜蓉汁或芝士白汁兩種風味,抵!
 小店座位只有十多個。
小店座位只有十多個。

Seafood Stand
地址︰紅磡必嘉街聯盛大廈鴻運閣地下13號舖
電話︰2968 0606
營業時間︰星期一至日12pm-11pm

下頁有:手掌大三文魚沙律漢堡

手掌大三文魚沙律漢堡 用刀叉食

本月新開張的「Burger Bus」是首間以巴士元素為主題的新派漢堡包店,裝修設計運用大量英式巴士元素,大人細路都忍唔住要影相先!

0007 - _________ Smoked Salmon & Egg Salad_1_(MED RES)
4. 煙三文魚沙律漢堡$58:煙三文魚下有蛋沙律,另一個包上就有羅馬生菜、洋葱、番茄和車打芝士片,既是頭盤又是主菜。

講到主打的漢堡包,大廚將不同國家的漢堡特色融入其中,招牌安格斯牛肉漢堡,漢堡扒是自家手制。大廚還自創獨特款式,推介煙三文魚沙律漢堡、 韓式泡菜安格斯牛肉片漢堡和日式咖喱吉列芝心豚扒漢堡,就似將各國名菜放到包上食!其他還有日式照燒雞扒漢堡、千島菠蘿吉列蝦漢堡、原條吉列魚柳漢堡,價錢由$58起,是真正奇趣又抵食。

0001 - 招牌安格斯牛肉漢堡 Bus Burger_2
招牌安格斯牛肉漢堡$62:出餐時,漢堡會分開上下兩部份給客人,分別放上不同餡料。

值得一提是漢堡包所用的麵包,是每日新鮮用手搓製,食落軟熟柔韌。每個漢堡包的份量都頗大,大小如女生手掌般,當中招牌安格斯牛肉漢堡的餡料疊起來可高達五六吋!為了方便食用,上檯時漢堡包並不會整個上,而是會分為上下兩半,各放上不同餡料,讓客人可以用刀叉食,就好似食西式主菜一樣,而肉汁唔會漏到手上,設想周到!

Shop Front 1
以英式巴士為設計概念,配合仿製的車箱扶手、巴士車軚、巴士海報、巴士模型和巴士牆紙等作裝飾佈置,賣相吸引。
0005 - ____________ Korean Kimchi Sliced Beef_1_(MED RES)
5. 韓式泡菜安格斯牛肉片漢堡$58:最特別是多塊煎香過的安格斯牛肉片,代替漢堡扒,配以泡菜和泡菜醬,韓式滋味,同時又加上羅馬生菜、洋蔥和番茄,fusion風格。
Shop Front 2
店內店外均充滿英式巴士元素,五顏六色好搶眼。

Burger Bus
地址︰荃灣愉景新城商場第1層1066號舖
電話︰2242 2798
營業時間︰星期一至五11:30pm-9:30pm、星期六日及假期9:30pm-9:30pm

下頁有:梅菜和牛漢堡
梅菜和牛漢堡 估佢唔到咁夾

普通牛肉漢堡都有醃酸瓜,酸酸甜甜的味道用來平衡肉的膩滯,手工啤酒餐廳WOFT的大廚就想到用中式梅菜代替酸瓜,加入比較肥膩的和牛漢堡扒之上,一齊食,估唔到又幾夾!梅菜經過低溫烘乾,吃落爽甜又帶微酸,中西合璧,原來都幾合拍。大廚曾在澳門葡京米芝蓮餐廳,滿腦子新意,梅菜和牛漢堡之外,還有芝士軟殼蟹窩夫漢堡、韓式泡菜辣雞漢堡,都是非一般配搭,全部七八十元有找,算抵食。

梅菜和牛漢堡$83:澳洲和牛自家手打的漢堡扒,加上甜梅菜芯、芝士,味道鹹中有甜,有梅菜的脆口。
6. 梅菜和牛漢堡$83:澳洲和牛自家手打的漢堡扒,加上甜梅菜芯、芝士,味道鹹中有甜,有梅菜的脆口。
餐廳供應多款手工啤酒配漢堡包。
餐廳以手工啤酒做主打。

WOFT
地址:旺角染布房街7-8D地下
電話:2116 1786
營業時間:5pm-3am

{"IPTC-DATA":"NMG","data":{"photoID":2334734}}
7. 葡式豬扒漢堡$118:豬仔包外脆內軟,豬扒咬落腍嫩多汁,配菜有厚切薯條和蛋黃醬,是英式食法。

葡式豬扒漢堡 升級版澳門豬扒包

一般漢堡扒的豬肉或牛肉,都是攪碎再打成餅,但係英國家具名店Habitat的Cafe內,就有原塊炸豬扒做漢堡包的餡料。
這個葡式豬扒漢堡,用香脆豬仔包夾住炸過的加拿大豬腰肉柳,真係好似澳門豬扒包!厚切豬柳特別有口感,又非普通豬扒包薄薄的豬扒可比,而且配上大量芫荽、紅葱圈和生菜,咬落爽口,脆脆地又多汁,完全唔覺膩。

Cafe與品牌的家具店相連,逛到?可以食番餐。
Cafe與品牌的家具店相連,逛到累可以食番餐。

Le Cafe Habitat
地址:銅鑼灣告士打道311號皇室堡15樓全層
電話:2310 1964
營業時間:11:30am-9pm

下頁有:素雞肉扒漢堡救地球

未來漢堡 素雞肉扒救地球

坊間的素漢堡通常都是菇菌,或炸雜菜餅代替漢堡扒,但Urban Bakery最近新出的素漢堡,名叫The Future Burger,是用了Green Monday引入的Beyond Meat手撕素雞條,主要用植物蛋白和大豆等製作,不含荷爾蒙和抗生素,豆味濃郁。製作漢堡扒時,先將手撕素雞條混入3種燴菇菌、照燒洋葱做成「植物扒」,煎香後配上法國邊豆、紫洋葱、風乾番茄,加上青葱醬汁。

1
8. 素雞肉漢堡$65/個:自家製法式小麵包夾住植物扒,咬落一樣好多汁,豆味濃郁。

這素漢堡用料豐富,咬落脆口多汁,雖素雞扒不及真雞肉般實肉有咬落,但食落都好惹味完全唔寡。這個漢堡是只限逢星期一午市供應,自然是為響應綠色星期一素食日而製。

{"IPTC-DATA":"NMG","data":{"photoID":2281585}}
Beyond Meat手撕素雞條是Bill Gates有份投資的植物肉,主要用植物蛋白和大豆等製成。
{"IPTC-DATA":"NMG","data":{"photoID":2331901}}
食齋的朋友更可在落單時要求走洋葱。

Urban Bakery
地址:中環德輔道中12-16號置地廣場3樓322號舖
電話:35654320
供應時間:逢星期一11am-3pm

下頁有:黑炭鵝肝和牛迷你漢堡

韓式泡菜豚肉 人氣珍珠堡回歸

以米堡起家的MOS Burger,3年前曾推出香港限定的韓式泡菜豚肉珍珠堡,反應熱烈,更一度帶起了以薄切豚肉做漢堡的潮流。這個漢堡今個月再譽歸來,期間限定,供應至12月中旬。

泡菜豚肉珍珠堡$27:烤珍珠米堡夾住泡菜炒薄切豚肉,加上秘製醬汁,辣中帶微酸,好醒胃。泡菜豚肉的份量更加碼至90g,女生肯定夠飽。
9. 泡菜豚肉珍珠堡$27:烤珍珠米堡夾住泡菜炒薄切豚肉,加上秘製醬汁,辣中帶微酸,好醒胃。泡菜豚肉的份量更加碼至90g,女生肯定夠飽。

漢堡的亮點,是在泡菜內混入泡菜醃汁和魚露,提升惹味度,又帶出豚肉原本的鮮味。每個珍珠堡均即叫即製,先輕炒洋葱絲,再加入薄切豚肉一同炒香,並與秘製醬汁及泡菜拌炒均勻,用醬油烤過的珍珠米堡夾住,最後灑上薄脆紫菜。

MOS Burger
地址:旺角亞皆老街8號朗豪坊4樓1號舖
電話:3514 4301
營業時間:8am-11pm
備註:全線分店11am後供應

{"IPTC-DATA":"NMG","data":{"photoID":2317886}}
10. 澳洲M8和牛配法國鵝肝迷你漢堡$148/客:一客兩件迷你漢堡,澳洲和牛加上香煎法國鵝肝配泡菜醬汁,微辣又惹味。

黑炭迷你漢堡 矜貴鵝肝和牛做餡
全店以黑色做主題的Kettle Black,餐牌上有不少黑色菜式,當中賣相最趣緻的是黑色迷你漢堡,自家用竹炭粉製成黑色麵包,不增添加人造色素,配以香煎法國鵝肝和澳洲和牛,加上自家製泡菜醬汁,微辣中和肥膩,甘香惹味又豪華。

Kettle Black
地址:中環威靈頓街198號地舖
電話:3628 2238
營業時間:星期一至六8am-11pm,星期日11am-11pm

相片:林建安、新傳媒資料室及有關機構提供

※如欲率先接收資訊,請讚好我們的FB專頁並於「已讚好/Liked」選單設定「搶先看/SeeFirst」,多謝支持。

更多精選內容