拒絕催谷學業 林嘉欣低科技湊女

拒絕催谷學業 林嘉欣低科技湊女

因誕女闊別銀幕五年的林嘉欣(Karena),終於復出拍新作《百日告別》,旋即獲金馬獎最佳女主角提名,演技一點也沒生疏。這五年的演藝事業空白期,她從不感到可惜,反而兩個女兒Kayla和Sofie的出現,豐富了自己的人生閱歷。 「我唔覺得係犧牲,演員嘅經歷係有限,由你十月懷胎,到生咗再湊佢哋,你會發覺佢哋豐富咗你生命。」

 

撰文:Ling
攝影:Clay Lam (部分相片由受訪者提供)

從大銀幕上,能欣賞嘉欣更成熟的演出;在鏡頭下,她同時發布兒童繪本,分享她與女兒的相處點滴,逛逛美術館、去公園玩耍。她謝絕一切電視及電子產品,實行「低科技教育」,一家人回歸生活基本學習,「我要keep住個女對學習嘅興趣,太早要佢哋練寫功課,學習九萬樣嘢,會令小朋友對學習反感。」

2_239K_family
嘉欣是星級媽咪,但囡囡不是太清楚媽咪的工作,「佢哋淨係覺得我有時長時間喺屋企,有時唔見幾日,我有講過我係一個演員,有次佢哋聽到我嘅配音作品,就好記得媽咪份工係要不停講嘢。」
3_239K_family
Kayla和Sofie是Frozen的超級小紛絲。

為女兒走入平民

「有咗小朋友之後,我覺得自己勇敢咗好多,令我敢於體驗生活、跳出artists框框,我會同小朋友搭巴士、小巴,普通家庭做嘅嘢,我哋都會做。」嘉欣為了女兒暫別幕前,當上全職媽媽,只間中出席品牌活動及配音工作,這五年的家庭生活,她最感動是女兒的純真及對媽媽最直接的愛。「小朋友係好直接,唔會好似大人諗嘢諗餐懵,佢哋一感覺到你唔開心,一個擁抱就會化解晒所有問題,所以有咗小朋友之後,無論工作上有幾困擾,一返屋企開門佢哋大叫:媽咪!你已經忘記晒嗰日嘅煩惱。」

五年前,嘉欣未婚懷孕,一切工作突然叫停,遠赴加拿大與廣告導演袁劍偉舉行簡單婚禮,並在當地誕下女兒Kayla,開始全職湊女。一向喜歡小朋友的嘉欣,前年再添細女Sofie,組成幸福四口之家。一講起兩個女,嘉欣就笑逐顏開,「我兩個女,大女就好sporty,見到樹就爬,見到沙灘就會除鞋,喺遊樂場都除鞋,佢好鍾意爬來爬去,好活躍;妹妹就比較文靜,所以好得意,兩個差別都好唔同。」

姊妹爭執不介入

嘉欣坦言兩個女不易湊,孩子在不同階段皆有不同難題,重點是要從難題之中,輔助孩子建立正確價值觀。「唔同階段都有好同唔好,遇到唔好嘅時候,要俾佢哋知道父母嘅愛,不在於佢哋乖唔乖,無論點父母都會愛佢哋,但做錯事點都有後果,要學識尊重自己、尊重別人、對人有禮,一路建立屬於佢哋嘅價值觀,一齊向好方面發展。」

4_239K_family
熱愛藝術的嘉欣帶兩個女去台北,不忘到華山文創區走走,「Kayla同 Sofie跟我一樣都喜愛當代藝術家草間彌生。」

姊妹爭嘢玩在所難免,嘉欣選擇退後一步觀察,不會介入造成「三個女人一個墟」,「我一向由得佢哋,兩姊妹有時會打交、爭嘢,之後又喊,我就忍住唔衝入房,慢慢佢哋就會化解個問題,好似家姐話『好啦,我借呢個俾你啦。』如果我一聽到喊就衝入去,佢哋就永遠唔會自己解決問題。」

7_239K_family
嘉欣其中一個育兒之道是,令小朋友對事情保持好奇心,才會主動探索及學習,不能過度催谷學業,以致小朋友失去學習動力。

謝絕電子產品學習

社會教育議題近日聚焦TSA,太多功課及溫習令孩子負上沉重壓力,嘉欣覺得現今教育太着重學術方面,應把焦點放回小朋友的品格上,「一個人好成功,但你冇品格,就唔係真正成功。」關掉電視及電子產品,能撥出更多時間做益智活動,嘉欣深信生活就是最好的老師,小朋友毋須上playgroup,在家做做手作、繪畫、閱讀,出街逛美術館、行沙灘、去遊樂場玩,已經有足夠的學習空間。「我本身都好少睇電視,淨係入戲院睇戲,等啲女瞓晒我先開電視睇戲。睇電視學習太被動喇,小朋友智力發展未完善時,成日睇電視會扼殺想像空間,而書本描述一個太陽,可以係黃色、粉紅色、紫色,好多幻想空間,但電視播出嘅太陽,只係一個結果。」

9_239K_family
嘉欣會放任囡囡自由繪畫,在地上拿起畫筆隨心發揮創意。
10_239K_family
妹妹Sofie性格較文靜,與姐姐相反。

去美術館學情感發洩

醉心藝術的嘉欣,經常帶女兒到不同美術館學習,今次推出的其中一本繪本《和妹妹去美術館》,就寫了母女睇畫展的有趣經歷。「小朋友嘅直覺好準確,有佢哋自己角度去睇畫,我喺佢哋身上都學習到好多。書中其中一頁講我哋睇美國著名畫家Jackson Pollock(以獨特滴畫成名,性格暴躁及酗酒)嘅作品,我同個女講下次你發脾氣時候,記得將你嬲嘅情緒畫出嚟,我覺得咁樣幾好,令佢學識用呢個channel宣洩情緒,對佢又好,對我又好。」嘉欣在家亦喜歡做手工藝,感染女兒一齊搞手作、玩陶瓷,「通常都係我想做先,例如我哋喺沙灘執咗貝殼,拎返屋企我開始填顏色,我個女就問:『媽咪你做緊咩呀?我又做!』於是營造到個氣氛。」

11_239K_family
《有一點點不乖》書中講大女做錯事,坦誠告訴媽媽,最後媽媽感謝她的誠實,但仍要去Time Out角落,「Time Out即係一個反思嘅空間,諗吓自己做錯咩,小朋友做錯事要知道後果。」

四歲前不執筆寫字

女兒在香港長大,始終都要面對現實,嘉欣為女兒找學校時,難以尋找與其教育理念相近的學校,最終Kayla入了一間好少功課、活動教學的本地幼稚園。「佢依家間學校話四歲前唔會揸筆寫字,你可以迫佢、訓練佢,但始終佢肌肉未發展完善,咁早揸筆其實都好影響日後寫字同姿勢,我覺得唔同年紀應該學番合適嘅嘢,要按能力出發,千祈唔好心急。」
老師對Kayla的評價是學習專注、愛閱讀,嘉欣自女兒六個月大即展開親子閱讀,習慣是需要時間培養,「首先屋企要有個氛圍,小朋友自小先透過模仿去認識世界,如果父母都成日攞書睇,小朋友都會模仿,所以細細個開始我就同佢哋共讀,每晚瞓覺前都keep住睇故事書,唔係我讀就爸爸讀。」

14_239K_family
大女Kayla有運動細胞,鍾意游水及爬高爬低。
13_239K_family
嘉欣自為人母後,放下了藝人的身段,一如普通家庭帶小朋友搭巴士周圍去。好多人認得,「最多人會搵我合照,阿女會話『我又要影』,所以有時都一齊影。」

港教育制度商業化

嘉欣教女重視身教、學習氛圍,語文方面因為她有台日血統,所以用國語和女兒溝通,丈夫講廣東話,婆婆都講國語,好自然學起中文雙語。「以前都係爸爸同我講廣東話,媽媽講國語。我外公係日本人,我都識少少日文,但冇教佢哋日文,始終我只識啲好基本,我唔應該勉強佢哋去學。」大女Kayla已經五歲大,準備要報考小學,令嘉欣覺得好頭痛,「香港教育制度比較商業化,好難搵到一間符合我哋價值觀嘅學校,依家偏向想揀着重中文嘅學校,喺香港唔學中文係好可惜,而且中文難學好多,希望可以搵到一間好嘅中文學校。」

15_239K_family

與曱甴對話
一見到曱甴爬出來,父母必立即殺個片甲不留!林嘉欣教女崇尚生活化學習,即使曱甴都是生活教材,有次大女Kayla見到曱甴不但沒驚慌,還好似電視劇《男親女愛》黃子華與小強般做了好朋友,嘉欣在旁觀察沒阻止,反而覺得有趣,還尋回自己失去了的童真,即刻去片看看她的分享。

更多精選內容