BU大膽妹 – 吳爾初

Chorrie中學係喺廖寶珊紀念書院畢業嘅，呢間喺荃灣區嘅中學來頭唔細架！喺1958年，由廖創興銀行嘅創辦人廖寶珊所創。親民影帝發哥、視帝歐陽震華，仲有近年以一首《越難越愛》，同一句：「真係嘅？」深入民心嘅吳若希都係喺度畢業架！哈~講咗咁多都好似唔關Chorrie事咁喎！(擺明係有鋪排啦！)其實Chorrie同吳若希以前係「都幾熟」嘅同班同學嚟架！

同佢啲校友一樣，Chorrie對幕前嘅工作都好有興趣，本身喺BU讀電影，對台前幕後嘅崗位都有一定嘅了解，不過暫時最想做嘅都係演員，所以而家想累積多啲演出經驗，如果第時發覺真係唔適合，就轉做Art Directior啦！

Chorrie而家喺電視台做緊兼職體育節目主持，唔好以為做主持只係口噏噏，好簡單！其實都有好多技巧架！例如Chorrie話最難就係留意講說話嘅節奏，講快啲，講慢啲，出嚟效果都好唔同。作為NBA迷，佢最開心就係可以寓工作於見偶像，見過Derek Rose一次，已經夠佢開心一世喇！不過佢最恨見嘅，當然係Legend Michael Jordan啦！

本身Chorrie好鍾意去旅行，如果可以做到旅遊節目主持，就wonderful喇！佢話最想就係走過烽火大地，因為咁先可以貼地咁體驗到活喺戰火下嘅生活，更加會珍惜浮華大地。WoW！原來Chorrie唔止大膽，仲係一個感性、知性嘅女孩子！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: 黃大立

拍攝: Anthony Leong

剪接: Candy

Hair:Winnie@KINGS Makeup

Makeup: King @KINGS Makeup

提供場地: Party Master (6733 7664)

鳴謝:

及

贊助獎品

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。

參考資料：衛生處網頁