高顏值爆肌男 – 李展樑

高顏值爆肌男 – 李展樑

張家輝為部《激戰》練成一身肌肉,精彩蛻變,為佢再次贏得影帝殊榮之餘,嗰份毅力亦都令人尊敬!近年唔少男仔都鍾意「練肌」、「騷肌」,究竟孭住一身肌肉,有咩滿足感呢?19歲嘅Jason(李展樑),用咗年半時間,將自己由排骨仔變咗做爆肌男,一身肌肉,就為佢帶嚟自信,同無限嘅滿足感!

2546

Jason以前仲係排骨仔嗰陣,個人比較怕醜,大隻咗之後對自己更有信心!所以唔想嘥咗自己一副好身材,希望第時可以做Model,成為眾人焦點,佢覺得會好有滿足感同成功感。

2740

要操到一身完美肌肉,其實都好辛苦架!Jason話首先要控制好飲食,7成飲食3成操,開始咗之後好多嘢都唔食得,甜品煎炸嘢不在講,平時仲要自己帶飯盒出街,先可以keep住最fit嘅身型!

2520

而家圈中咁多肌肉猛男,你覺得邊個身型最靚,最好睇呀? 點解呢?娛樂圈咁多肌肉猛男,Jason最欣賞嘅就係彭于晏,雖然身型唔算大,但係好睇,殺死人!不過佢自信可以做得比彭于晏更好,有更好嘅身型!(嘩~ 勁過男神彭于晏喎!真係自信爆棚呀!)

2617

Jason之前都參加過健體比賽,而且仲攞過獎,要裸住咁俾人眼甘甘望到實,其實會唔會尷尬呢?佢就話唔會喇!因為咁辛苦操出嚟,都係想俾人欣賞,等人哋見到每個部位嘅肌肉都係得來不易,最希望其他人可以明白到,佢喺當中付出嘅努力,咁就已經好滿足喇!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Paul Choi

拍攝: Anthony Leong

剪接: Candy

美術: Linda

Hair+Makeup: EM Makeup

提供場地: Party Master (6733 7664)

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容