前世情人的禮物

成日都話女兒係papa 前世嘅情人，就等前世同今世嘅情人聯手整張浪漫玫瑰心意卡俾佢啦！

做法好簡單，首先用圓形嘅器皿，係白紙上面畫個圓圈，再係圓圈入面畫螺旋形圖案。跟住就沿住線一路剪。剪完之後，就由內向外圈埋一齊，再用膠水固定形狀，咁就做好一朵玫瑰花。

接住我哋就幫玫瑰花用水彩上色，除左大熱既鮮紅之外，藍色，紫色等出來嘅效果都唔錯，甚至可以混雜唔同嘅顏色，配合水彩 texture, 每朵玫瑰都有自己嘅味道。

如果大家想省去上色既步驟，可以直接用顏色卡紙去整就可以啦！

玫瑰花的大小視乎你一開始畫的圓圈大小，大家可以用唔同大小的碗或者其他工具，整大小不一的玫瑰花, 砌出唔同的圖案。例如心型，字母等。

我就將d花砌左個心形同埋用左字母貼字貼 I love U 啦！希望大家既情人都可以冧爆啦！今次動手整玫瑰花仲可以成為大家嘅親子活動，一齊過一個一家人既情人節啦！！！