DIY藝術親子生活

每個小朋友都可以成為設計師!擁有獨一無二嘅公仔!

每次帶 Keicy 同 Kassy 去完公園玩,就有咁 colorful 嘅畫喇!

呢個公仔同旁邊啲花花都係我同 Keicy 一齊整㗎!Keicy 仲當隻公仔係妹妹添!哈哈!

有好多家長朋友問我點樣培養仔女嘅藝術細胞,我自己就由生活入手,例如喺節日自製復活蛋、喺萬聖節雕可愛南瓜、自製聖誕咭等等,都係好開心嘅親子活動!

而喺平時,我會同 Keicy 仲有 Kassy 一齊睇故事書,講故事之餘仲會講吓顏色、形狀同材料,等佢哋畫畫嗰陣有更多想像空間,當 Keicy 同 Kassy 畫畫嗰陣,我會坐喺旁邊觀察同欣賞,但唔會指示點做,因為我想畀佢哋天馬行空,盡情探索同嘗試,培養佢哋需要嘅自信、相信自己嘅能力同智慧。

我相信創意同好奇心,會令小朋友變得體貼、充滿好奇心同有自信,而我亦都好想分享更多發掘小朋友藝術細胞嘅心得,我會帶領小朋友創作獨特嘅公仔,當小朋友玩緊嗰陣,就係佢哋嘅藝術第一課。

我誠意邀請您同您嘅小朋友,一齊探索藝術世界!

其實之前 Keicy 幫 Sunday Kiss 做專訪着嗰條彩虹裙,係 Keicy 自己設計嘅,我只係幫佢造返出嚟,大家一齊重溫吓吖!

更多精選內容

There are no comments

Add yours