甜到入心嘅母親節

母親節嘅早上同平時一樣，創意無限嘅 Keicy 每朝瞓醒都會即刻好有靈感會畫畫，媽媽就諗到用啲可以係窗上面畫畫嘅顏色筆，等 Keicy 唔洗用紙畫唔環保。

今日 Keicy 好簡單咁只畫咗一朵花同兩個心心，同媽咪講：「媽媽你估下係咩意思？」

媽咪就話：「係唔係代表 Keicy 好中意花花呢？」

Keicy 好甜咁笑住講：「因為係母親節，Keicy 好想送朵花比媽咪，仲想同媽咪講 3 個字！Keicy 好愛你！」

媽咪聽到真係甜到入心呀！

另外仲有一啲 Keicy 同 Kassy 喺學校做嘅小手工！對我嚟講特別珍貴！

唔知你嘅小朋友又點表達佢地嘅愛呢？
無論點樣，仔仔女女都係好愛媽咪嘅，希望天下嘅媽媽都有個開心難忘嘅母親節！