自家製薛凱琪款Paper Dress

專欄

廣告

早前 Keicy 接受週刊訪問,即席造咗一條paper dress,而家同大家分享返!

呢條paper dress 係仿照薛凱琪近期着過嘅一條裙嚟造,Keicy好輕鬆就完成喇!

材料係有白膠漿、較剪、顏色紙、 鉛筆、普通膠紙、雙面膠紙、間尺。

首先,度啱尺寸,跟住攞鉛筆畫上張黑色紙度,再用較剪剪裁。

之後再用間尺同筆,喺顏色紙上高畫一條條,畫完就用較剪剪出嚟,咁樣就變咗彩虹條喇!

將剪成一條條嘅顏色紙, 搽上白膠漿,再貼喺之前裁好嘅黑色紙度。

呢個時候,着起條裙,就完成喇!

嘩!咁快整完嘅?係咪好靚呢?

後記:
Keicy 真係好叻女,唔駛一陣間就造好咗條裙,仲同記者姐姐玩得好開心呀!

不過過程都幾搞笑吓,因為記者姐姐話 Keicy 造paper dress 嘅時候會錄影,所以要求Keicy 講嘢要太聲返少少,以防收唔到音,咁 Keicy 唔知係咪誤會咗,講嘢大聲咗好多,聽落有少少似朗誦 feel,唔講仲以為Keicy係去咗參加朗誦比賽呀!搞到我喺旁邊有幾次要忍住笑,嘻嘻!
希望大家都鍾意Keicy 今次「大大聲」介紹嘅自家製paper dress 啦!:)

FB: KeicyKK