太陽都可以 DIY

今日下晝,Keicy 參加香港電台第二台「太陽計劃2015」嘅記者會,仲着住「太陽計劃2015」嘅主題 T-shirt 行 catwalk 添!

學校籃球場位置將加建一幢體育綜合大樓,提供更多活動空間。

Keicy 為咗多謝香港電台嘅邀請,親手整咗款太陽飾物,送畀嘉賓,一人一個㗎!Super Girls 幾位姐姐同馮允謙哥哥收到都好開心!嘻嘻!

呢款太陽飾物,其實早幾日已經開始準備㗎喇,材料包括紙碟、皺紙、顏色紙、較剪、白膠漿。

首先係剪碎唔同顏色嘅皺紙。

跟住剪一條條代表太陽光線嘅顏色紙,太約一吋闊,十五吋長,將兩端用白膠漿黐實。

之後就係將紙碟正面搽滿白膠漿,黐上皺紙。

然後將黐實咗嘅顏色紙,均勻咁黏上紙碟度。

最後喺紙碟背面黐上一條長顏色紙做手把位,所以只係黐頭尾兩邊。

咁就做好咗呢份「太陽禮物」喇!係咪好 colorful 呢?Keicy 話佢好中意彩色呀!更加鍾意太陽,因為見到太陽即係代表好天氣,帶畀大家溫暖同開心!所以想借呢款太陽飾物,祝願大家順利參加「太陽計畫2015」嘅各項活動,享受暑假!

而 Keicy 自己喺嚟緊嘅暑假想唱歌、學畫畫同跳舞,其實小朋友喺暑假真係好應該參加唔同類型嘅健康活動,而「太陽計劃」一直鼓勵同學們勇敢追尋夢想、認識自我、積極面對人生,多年嚟舉辦無數暑期活動,畀年輕人盡展活力,為夏日添上色彩,所以如果各位家長未諗到仔女放暑假做咩好,不妨參加「太陽計劃2015」嘅活動吖!

FB: KeicyKK

更多精選內容

There are no comments

Add yours