同寶貝女做姊妹扮靚

小朋友會不斷模仿大人做嘅事，平時我用護膚品、化妝品嘅時候，Keicy 同 Kassy 都會睇住我點做，仲會學我手勢，有時化化吓妝，會喺鏡度見到兩個女喺我後面跟住我畫眉、上粉、搽唇膏，我次次見到都會笑出嚟！

我嘅護膚同化妝心得一定係「傳家之寶」，不過都會帶 Keicy 同 Kassy 去品牌專櫃學吓嘢，因為護膚同化妝產品日新月異，「向專家請教」同「不斷學習」都係我想傳授畀兩個女嘅智慧。

Keicy 去到專櫃第一樣試嘅係胭脂，呢款胭脂好方便，用棉花喺塊面度點點吓就得，感覺好 soft，專櫃小姐仲話呢款胭脂唔會傷害皮膚，喺塊面點完之後，攞個掃掃開就得。

又靚又方便又唔傷皮膚，啱晒 Keicy 幼嫩嘅肌膚，仲好適合做小 model 影相嗰陣用添！而 Keicy 自己都好鍾意，揸住盒胭脂係咁玩唔捨得放低，勁開心！

當佢試完唇膏之後，好開心咁走過嚟細細聲同我講：「媽媽，我想快啲大個，同媽媽你一齊扮靚呀！」

聽到阿女咁講，梗係甜到入心啦！我都要努力啲 keep，等 Keicy 同 Kassy 大個咗，好似三姊妹咁樣一齊扮靚！嘻嘻！

不過要 keep 住靚靚，就唔係只搽 product 就得，今次專櫃小姐同我做咗幾個測試，睇吓肌膚嘅多種防禦力、水分量同彈性係點，結果都係普普通通。

所以專櫃小姐就介紹我用肌活精華，因為有超過八成女性使用者證實，用完之後肌膚免疫力顯著上升，而早晚潔面後連續使用四星期，緊緻同彈性都有改善，有效撫平皺紋。

試用緊嘅時候，見到網上好多朋友話用咗呢款肌活精華後，皮膚 firm 咗，塊面冇咁腫，膚質滑咗好多同白咗。

搽護膚品可以幫肌膚增加水份同彈性，不過肌膚嘅防禦力就要靠自己，從生活細節入手，其實當中好多都係我哋一早知道，只係生活太忙而忽略咗，例如望多啲綠色嘅植物、草地，多啲望遠嘢，令雙眼可以放鬆吓，心情亦都平靜落嚟。

另外，多啲聞花香嘅味道，都可以令人放鬆心情，從而改善皮膚質素，如果冇種植物嘅習慣，可以選擇香薰，我間中都會去生活百貨店聞吓唔同牌子嘅香薰，每次聞完都會成個人開心輕鬆晒，皮膚都跟住靚啲啦！

而飲食方面，好多文章都話要食少啲煎炸嘢、飲少啲有刺激性嘅咖啡同茶，最好戒凍飲同酒類，因為就算唔直接影響皮膚，都會令身體其他器官狀態唔好，我有努力忍口呀，順便當減肥囉！

有專業嘅護膚產品幫手，加上良好嘅生活習慣，相信我將來會夢想成真：等 Keicy 同 Kassy 大個咗，好似三姊妹咁樣一齊扮靚！^^

FB: KeicyKK