父親節之給爸爸最好的禮物

愛心早餐。

一早起身 Keicy 話:「我要整早餐俾 Daddy 食!」

我:「整咩好呀?」

Keicy :「我最愛嘅牛油果加椰子油多士!」

我當然即刻話好啦!因為我都好鍾意食同埋好健康!

 

 

我哋最愛嘅食法:Party Snack

我會加入切碎咗嘅三文魚、牛油果同椰子油!有時就切碎咗嘅雞蛋,牛油果同椰子油!更有咬口!

我會再加一啲三文魚子,放喺上高做裝飾,等賣相靚啲,再將牛油果醬鋪喺餅乾上面,大人細路都鍾意!

 

Tips:牛油果要揀深色近乎黑色嘅,青色係生而且好硬好難切,所以要知個牛油果熟未,手起刀落就知道。我一般會買青色嘅返屋企等佢自己熟,不過有啲牛油果好頑強,放兩個星期都未熟,如果心急要即用,就要小心啲揀,如果摸落太過淋,即輕按就凹嘅即係過熟。有時我都會放入米缸等佢快啲熟!

牛油果嘅好處:
1. 降低患心臟病風險
牛油果係蔬菜水果中最含豐富維他命嘅食物,超強抗氧化嘅維他命E,能延緩衰老,令皮膚、頭髮、指甲健康同靚靚。除咗食之外,仲可以將牛油果搓成泥狀,敷上面,做美膚面膜!佢所含嘅脂肪以單元不飽和脂肪為主,研究證明佢有效幫助降低膽固醇,有食牛油果習慣嘅人,能保持身體嘅膽固醇處於正常水平(當然都要飲食習慣正常,唔係一邊食牛油果,一邊食其他高脂肪食物),仲能夠幫助降低患心臟病嘅風險。

2. 美膚
牛油果含豐富甘油酸、蛋白質同维他命,潤而不腻,係天然嘅抗氧抗衰老劑。佢唔止可以軟化同滋潤皮膚,仲可以收细毛孔,真係美容恩物!

材料:1/4個牛油果,脱脂牛奶1至2茶匙,

制法:將1/4个牛油果搓爛成果泥,混和脱脂牛奶做成面膜,

用法:敷面10分鐘便可抹走,用溫水洗面並用毛巾輕輕拍乾水份即可。

3. 美髮
牛油果内嘅卵磷脂最適宜用嚟護理乾燥同受損嘅頭髮,將頭髮恢愎柔順光亮。
材料:熟透嘅牛油果一個,雞蛋白一隻,少許檸檬汁。

制法:將果肉同雞蛋白攪勻,加少少檸檬汁,以防牛油果變黑。

用法:將頭髮洗乾淨後用毛巾抹乾水分,塗上牛油果混合物,等半小時以上,然後用性質温和嘅洗頭水洗乾淨頭髮。

4. 美甲
牛油果亦可以用嚟美化指甲。

把1/4個熟透嘅牛油果攪爛,加一茶匙橄欖油撈勻,然後搽喺指甲上高,15分鐘後用温水洗乾淨。

咁做可以慳番去美容店嘅時間、金錢,同樣令指甲散發健康光澤!

椰子油嘅好處:

世界上最健康嘅油係「椰子油」。以往好多人認為椰子油嘅最高飽和脂肪酸,以為多食就會提升壞膽固醇指數,導致血管阻塞同高血壓,誘發心臟病。其實根據現代科學研究,唔係所有飽和脂肪酸都有害。椰子油含有最有益嘅中鏈飽和脂肪酸 (MCFAs),同母乳所含嘅一樣。其中裡面嘅月桂酸 (Lauric Acid) 已被證實有抗病同殺菌功能,而且椰子油直入細胞化成熱量,増進新陳代謝,帶動體內脂肪燃燒。

此外,有學者證明椰子油能夠增進甲狀腺功能,可以降低膽固醇,幫助抵抗心臟病、抗老化、抗肥胖、抗大腸癌同乳癌等等。呢種飽和油烹熱時都唔會產生自由基。如果同食物一齊烹調避免過熱,可以保持椰子油嘅質素,所以我而家連煮餸都用椰子油!

 

FB: KeicyKK

更多精選內容

There are no comments

Add yours