去游水要做足防曬

夏日炎炎,最好嘅消暑活動就梗係同小朋友去游水,同陽光玩遊戲啦!呢日趁天氣好,我都帶埋 Keicy、Kassy、Par Par 嚟返個「夏水禮」!

好多人都知道去游水曬太陽要用防曬產品,不過用咩牌子、裏面有咩成分就唔係太在意,以為 SPF(防曬系數)越高越好,以為賣得多廣告嘅牌子就係最好,其實咁諗係好危險嘅,因為市面好多部份防曬產品含有對人體有害的物質,輕則會阻塞毛孔、皮膚敏感、生黑頭,重則會令人不育、生癌。

唔好嚇我呀!雖然我生咗 3 個,但我仲要養大佢哋㗎!

先講SPF,唔好以為SPF越高就愈防曬,FDA(美國食品藥物管理局)已經喺今年年初修訂,防曬產品嘅 SPF最高只可以係 50+,而日本同澳洲已經禁止防曬產品廣告刊登超過 SPF 50,不過現時香港市面,仲有好多同類產品大大隻字寫住 SPF 70,甚至 SPF 100,咁樣代表乜嘢?你懂的!

好多廣告都話佢哋嘅產品可以阻隔 UVB 同 UVA,其實係嚟自一種叫 Oxybenzone (二苯甲酮)嘅成分,不過原來當我哋搽上身曬太陽嘅時候,會變成干擾內分泌同賀爾蒙嘅物質,令男女不育。而另一樣要注意嘅成分係 Retinyl Palmitate (棕櫚酸維他命A),雖然冇確實證據證明佢會令皮膚癌加速生長,但呢種成分喺防曬產品仍然有好大爭議。

咁究竟市面上有冇防曬產品係有效兼無毒嘅呢?好彩朋友有好介紹,所以好放心一家人齊齊用。

去游水,曬太陽,當然唔少得戴返副有型太陽眼鏡扮靚靚啦!而家嘅兒童太陽眼鏡唔再一味傳統鮮色膠框,現時已經演變到同大人款式一樣又潮又多變,唔止可以配合返唔同嘅泳衣同造型,仲可以襯埋家長添!

咁有型嘅親子活動點可以冇我嗰份呀!所以我決定一人一副,一人一隻色!

Par Par 話要同媽媽一樣顏色,所以佢呢一刻係我嘅小小有型男朋友!^^

呢款親子太陽眼鏡除咗靚同有型,當然要防 UV,保護好佢哋明亮嘅眼仔啦!

做足防曬,就可以隨時隨地同陽光玩遊戲!過一個 safe summer!

FB: KeicyKK

更多精選內容

There are no comments

Add yours