幫三姊弟驅蚊

專欄

廣告

呢排成日落雨,周圍都有水氹,去公園玩或者經過有花草嘅地方,都特別容易畀蚊咬,早前食環署公布嘅蚊患指數急升,身為家長嘅我都要提高警覺,不過搽得多蚊怕水又驚啲化學成分對小朋友嘅皮膚唔好;而家天氣咁熱,又冇理由叫小朋友着長袖衫褲出街,好彩朋友介紹咗我試呢款驅蚊手帶。

3 姊弟平時唔鍾意隻手有嘢箍住,戴咗會覺得好唔舒服,好快就除咗佢,但係當我話戴咗呢隻手帶之後會冇蚊咬,佢哋就好雀躍、爭住戴,戴咗仲唔會除添!而呢款小童尺碼驅蚊手帶有 3 個唔同設計,家姐 Keicy 攞佢最愛嘅粉紅色「海洋世界」,細妹 Kassy 就要有紫色魚仔嘅「清涼夏日」,而有型細佬 Par Par 就揀啱佢性格嘅「海盜世界」,一人一隻唔駛爭!我即刻喺手帶上高嘅名牌寫佢哋個名,有晒記認就包冇搞錯,可以齊齊戴出街,探索大自然!

凡係畀小朋友用嘅產品,始終都要謹慎啲,我查過資料,呢間公司嘅產品喺全球 35 個國家有得賣,仲係法國最多人買嘅天然驅蚊用品。過倒歐盟嘅檢測,又咁多人買,當然係安全同無毒啦,一定可以放心用。

手帶唔止防水,仲好方便易用,將驅蚊膠片攝入手帶,然後戴喺手腕或者腳腕就得,15 日有效,而膠片裡面嘅精油唔會接觸到小朋友嘅皮膚,所以 Keicy、Kassy 同 Par Par 點郁都冇事,佢哋好似剝殼雞蛋嘅肌膚就唔會敏感啦!^^

其實我都算幾惹蚊,所以去親有草嘅地方都一定會畀蚊針,雖然呢間公司都有出好靚嘅大人防水手帶同驅蚊扣,但我最鍾意係佢哋嘅驅蚊啫喱,細細支,可以放喺手袋,仲攞得上飛機,去熱帶地區都冇問題,一支日日搽面同身最少可以用 30 日,好抵用!

平時我同 Keicy、Kassy 出街,會袋定再細支啲嘅止痕紓緩啫喱,有時無啦啦畀蚊針咗一兩吓,搽咗就即刻唔痕,仲涼涼哋添!因為佢有經過皮膚科測試嘅天然混合精油同植物精華,啱 3 歲或以上嘅大小朋友一齊用。

坊間有好多驅蚊產品都好大浸味,不過呢間公司嘅手帶同驅蚊啫喱等產品,味道都幾 okay,唔攻鼻,仲喺好多大型商店都有得賣,而我自己就喺「有隻貓做代言人」嘅個人護理產品連鎖店搵到,覺得好用嘅話返畀我知吖!:)

FB:KeicyKK