母女的甜蜜時光

仲記得當 Keicy 3 歳半嘅時侯,佢上落車返學,我習慣張開手去抱佢,冇諗到佢會推開我隻手!仲話:「唔洗你抱啦,我大個喇!」。

我個心當時有一種難過嘅感覺,有啲似被情人拒絕,心有啲突然,有啲空。以前佢想我抱嘅時候,我總係話你咁大個仲要媽媽抱?佢想我陪佢玩積木,我總係話你自己玩啦….

當日自己個寶貝嘅小手推開我,我突然有種恐慌嘅感覺,都未四歲,我仲可以抱幾年?仲可以黐我幾年?佢慢慢長大,仲係咪同而家一樣,見我返屋企後開心咁攬住我條頸講:「媽媽我好掛住你!」,佢仲會唔會因為同我一齊而特別開心?會唔會甘願跟住我,就算去一個無聊嘅地方,即使俾我鬧,依然唔鬆開拉住我嘅小手?

Keicy 4 歳半喇!好感恩!近期變得好乖好孝順!主動攞水俾我飲!主動幫我攞嘢!分享佢每日開心嘅事!每日畫畫送俾我驚喜!每日都黐住我錫我,問我愛唔愛佢!感覺好似拍拖咁!真係好 sweet 㗎!

雖然只有 4 歲半,但 4 歲嘅小朋友都有屬於自己嘅精神世界。趁而家小朋友最需要我哋嘅時候好好陪住佢哋,等佢哋大咗,有咗自己嘅想法,有咗自己嘅圈子,唔會再好似細個一樣黐住你嘅時候,都唔會感到後悔!Keicy I love you !

FB: KeicyKK

更多精選內容

There are no comments

Add yours