代代相傳親子鞋

年輕開始到而家,間中都會着吓 boot 去街,因為無論好 causal 咁着牛仔褲,抑或精心打扮着條靚裙,都既有型又易襯,而呢個歷史悠久嘅英國品牌係我嘅 favorite! 佢哋除咗有大家熟悉嘅成人經典款式,亦都有小朋友系列。而家做咗人媽媽,就可以大玩親子裝,將品味傳承畀下一代。

佢哋近期主打嘅返學鞋,係將好多人鍾意嘅經典款式縮細做童裝 size, 時尚大方嘅設計令我 3 個仔女更 sharp、更醒目!加埋唔會着壞腳板嘅堅韌厚身鞋底, 同着得舒服嘅柔軟耐用皮革,就算小朋友喺學校操場周圍跑周圍跳,都一樣冇問題。

家姐 Keicy 着嘅係「令」漆皮娃娃鞋,襯晒貪靚嘅佢,特設橡筋帶彈性設計易着易除,夠晒方便。

呢對就算平時出街都係襯衫一流,因為呢個牌子既襯倒 causal look,又 carry 倒型格打扮,試過襯紗紗裙都好好睇,所以平時 Keicy 出席大小活動,或者平時出街,都會着呢個牌子。

細妹 Kassy 着嘅係三孔皮鞋,腳面透氣設計包保通爽舒適,旁邊嘅魔術貼易着易除,Kassy 自己着都完全冇難度。
呢個牌子出名襟着,只要平時小心啲,間中攞個擦擦吓佢,就可以保持新淨,家姐着完可以畀細妹着,慳到錢之餘順便支持環保!

Par Par 呢對黑色矮筒,就啱晒讀國際學校嘅小朋友,着住佢返學又得,平時出街襯衫都一樣得,而且 Par Par 對腳大得快,唔想買咁多鞋,所以出入都係一對過,呢對靴仔又夠晒有型,keep 一對就可以百搭啦!

而呢款嘅設計亦都非常細心,唔駛全部穿鞋帶窿,旁邊有條拉鍊,一着落去就得,好方便,加埋好軟熟嘅用料,少少筒,可以保護腳踭同小腿,而且一啲都唔笨重,Par Par 着住佢好輕盈咁健步如飛,通場飛。^^

Keicy、Kassy 同 Par Par 雖然有三款唔同嘅返學鞋,不過都襯倒我對雨 boot!

呢款雨 boot,雖然話就話專喺落雨嗰陣時着,但望落同其他經典款式一樣好靚好型,完全唔似一對雨 boot,而且質地好軟熟,腳踭位超舒服,仲唔會頂住腳踭同小腿。

如果你唔係着開呢個牌子嘅話,一對呢款黑色雨 boot 就 okay,而家雨季着出街,包唔會整濕對腳,真係好方便,唔止百搭易襯衫,仲可以大玩情侶或者親子裝!

我細細個就好鍾意嘅牌子,喺呢個夏天為鞋履加入新意,令返學鞋唔止喺學校出現,令雨 boot 都可以平時着出街,幫我將品味以至背後緊扣生活嘅創意,傳畀我 3 個仔女,令 Keicy、Kassy、Par Par 同我,可以大玩親子裝,昂首挺胸,手牽手,大踏步向前走!

FB: KeicyKK

更多精選內容

There are no comments

Add yours