我家有個「真」理男

我喜歡小朋友,就是因為他們那份 「真」!幸運的在我生命裡遇上這個 「真」理男,實在太萌了!

「真」理男節錄如下:

剛過去的母親節⋯⋯

我:「你知唔知乜嘢係愛呀?」

Shaun: 「我好攬你!」(佢意思即係攬住你就即係愛,但當時我聽到滴汗!以為佢講粗口 haha)

我:「仲有呢?」(滴汗中!)

Shaun: 「我好愛你!」(終於正常返少少!)

我:「仲有呢?」(為咗要被冧,死纏!)

Shaun: 「我好鐘意你同埋好鍚你囉!」(唔洗講,冧死咗!)

某日下午⋯⋯

有人例行六點半打比爸爸傾電話,點知打咗兩次無人聽。

我:「佢可能開梗會呢!一陣再打過喇!」

無幾耐,電話響起!有人好心急咁接聽!

Shaun:「喂! (溫柔地) 你開完生日會喇!」

我忍唔住笑咗出黎,係咁純真既世界只有生日會要開架咋!爸爸原來係公司開生日會!真係爽YY!

如果大家喜歡我家「真」理男既節錄,咁就記得開心 “些牙” 比多D朋友一齊笑下喇!:)

更多精選內容

There are no comments

Add yours