雙職攝影師媽媽的時間管理

專欄

廣告

我同你哋一樣,每日都只得24小時,好多人都問我,點解你可以一日做咁多嘢?或許同性格好有關係!我係一個好鐘意親力親為既人,好多嘢都想自己做得到,都唔想依賴人,所以好多時都諗好多辦法要令自己既時間用得好D。
由Shaun Shaun升讀K1全日班後,我的生活有了多一點空間⋯⋯
每天早上,七時十分起床梳洗,大約七時二十分就要叫醒Shaun Shaun,幸好,Shaun Shaun是一個很懂性的孩子,知道要起身返學,都甚少唔肯起身!由於他喜歡數字的關係,每天早上我也會開新聞台給他看,看著時鐘做每一個TASK,他就會做得很妥當!

7:20 Shaun Shaun起身梳洗
7:30 幫手叫爸爸起身(而我就整簡單早餐給Shaun Shaun,如奶油包)
7:35 – 7:45 Shaun Shaun 早餐時間 (如果有衫要洗,我早一晚就預設時間,這十分鐘就可以用來晾衫)
7:45 – 7:50 Shaun Shaun 往廁所辦公時間
7:50 – 7:55 換衫上學去!
8:05 上校車
而我回到家,就會收拾家裡的雜物,如稍後有客來公司拍攝,我就會跟老公一齊坐車;如稍後要到客的地方開會,我就會落街買早餐及買餸,準備好一切(如煲湯)才離開;如整天也沒有什麼特別,我就會留在家裡「執相」或做Proposal,因為來回公司也花了大約個半小時,所以我令願留在家把握時間工作!

如果我在外工作,每天4:15就時我工作完結的時間,要趕往坐車回家。若早上沒有準備餸的日子,我就要趕回去買餸煮飯。
17:15 在家留下接Shaun Shaun落校車
17:20 – 18:00 如果有家課,他會取出來自己做,做好就吃一點水果,然後沖涼!
18:00 – 19:45 這裡有個多小時,如天氣好不太熱,我都會帶他去玩玩(當然唔沖涼住);但近來天氣熱,那我都只能在家陪他玩,有時若我未做好家務,他就會自己玩玩具,或看他喜歡的卡通。雖然如此,但我會好努力迫自己完成所有手頭上的工作,希望可以陪他,因為我知道他有時也很悶呢!

19:45 – 20:30 爸爸回來,我們便一起食飯!
20:30 – 20:50 我洗碗,佢哋玩。
21:00 Shaun Shaun 要刷牙了!
21:10 : 21:30 睡前傾計及故事時間。
不久他也睡著了!
如老公未瞓,我就會去沖涼然後繼續開電腦工作,每天不到十二時就會瞓(以前就唔係,因為未懂得分配好時間!)
近來發現中了網毒,每天都敵不過Facebook,一唔覺意開始睇及覆,就會花上半小時或個多小時,我希望可以戒毒!因為這真的大大影響了時間的管理,當然!有時工作需要,如做宣傳時,都避不過!

各位媽媽們,時間管理很重要啊!忙還忙!要記得留返少少時間比自己啊!:)