我和Shaun的夢想遊樂場


呢幾日因為要做Proposal關係,要將以往做過的工作做總結;做既時候先發現,原來只係2013下半年及2014頭半年這年裡面,已經為無數個家庭及小朋友留影,不論是生日會還是其他活動,但最令我越影越起勁既,都莫過於自己係影樓做創作,初時我都係只用白色背景,後來發現實在太沉悶,好想攪攪新意思。為咗令黎到既客人影得開心又玩得開心,我都花咗好多時間同功夫去改良,至於每個主題靈感,都係由我個乖仔而出發,所有創作都係要實用同好玩為主,既工作於湊仔,無客人黎Studio時,我既工作間就變成咗阿仔既遊樂場!以下就係靈感男神給我的啓示:

未有主題前:白色一片,感覺都WARM的,但總是覺得傳統了一點。

主題一:Pre-Birthday Session

創作靈感:正在預備阿仔同好朋友生日會時所啓發出來的實用主題,用相片製作咗多項生日會用品如回禮朱古力紙、啫喱糖旗仔等。記得嘉嘉(姚嘉妮靚媽)都幫仔仔同女女影咗緝呢!因為果年佢仔仔都只係攪咗個簡單生日會,覺得加添咗呢D佈置後就靚晒!

主題二:80年代班房

創作靈感:因為阿仔第一年入學,我覺得平時開學上課前留影一張無乜特別,橫掂都要影學生相,諗下諗下,諗起我哋個年代既班房,於是就一發不可收拾,越搵越多80年代道具!記得最開心係家長好投入,自製「東南西北」道具、橡筋繩等,仲吸引埋記者黎訪問添啊!

主題三:Halloween

創作靈感:其實係因為係Studio發現好多時背景無乜變化,於是整咗個鞦韆同埋磁力牆,整完之後,發現好多家長都好鐘意小朋友係萬勝節扮鬼扮馬,於是我又忍唔住不停去搵道具,最後,有好多好得意既小朋友上咗黎影!真係好開心好好玩啊!


主題四:Fun & Crazy Christmas

創作靈感:自從出咗幾個THEME之後,家長對我期望甚高!大時大節,當然唔可以令大家失望。於是跟據阿仔平日最鐘意玩既黎諗!最令小朋友興奮,果然係阿仔至愛既雪人保齡球同埋姜餅人加焗爐!而令家長最興奮,就係我DIY既呢隻特大聖誕襪,諗返起都覺得好經典,因為我是專登去朋友的工作間製作的!幸運的,又吸引到另一家記者來訪問童攝心得!


主題五:新年

創作靈感:由於新年與聖誔時間太接近,機乎是不夠時間製作,但為滿足家長,我都盡力做了一個!最後還特設揮春製作,家長派得好開心!


主題六:My Buddies

創作靈感:其實係因為係覺得小朋友之間有互動拍攝出來的效果才有趣,加上剛遇Levi’s Kids童裝於香港開幕,膽粗粗問下老闆(嘉嘉同祖輝)可唔可以合作下,比客著下D靚衫!誰不知老闆很好的給予機會,真係好感動!拍出來的效果又有型又可愛!


主題七:I Love Candies

創作靈感:阿仔就黎4歲,我都多咗機會比佢接觸糖果(不是經常,但間中都會),發現每次佢都異常開心!於是就諗,不如整個糖果THEME比大家開心下!

主題八:Mini World Cup 2014

創作靈感:五月時,阿仔愛上咗踼足球!剛巧就黎世界盃,記得阿仔好鐘意波波池,於是又張呢個IDEA放埋入去,因為我相信,無一個小朋友唔鐘意!多謝天明一家仲上黎留影添!


回想以上既創作,覺得呢個世界真係無嘢係無可能,我希望阿仔大個時我可以再次同佢分享,話比佢聽每一個創作都來自佢!希望佢睇返啲相都會開心!:)

更多精選內容

There are no comments

Add yours