Ball Bucket Challenge背後的小故事

自從Ice Bucket Challenge呢股風氣捲到黎香港之後,無論明唔明白呢個活動個中義意既人都見到佢哋玩得好開心又捐得開心!其實係一件好事,但見到越黎越多人玩,同埋有人將挑戰失敗既片放上網,覺得好唔環保同埋好唔安全。

其實我覺得做家長都有責任要話比佢地知依家香港有D乜嘢事發生,所以我有比Ice Bucket Challenge既片Shaun Shaun睇,佢好鐘意睇,因為覺得好得意,但佢就唔明乜嘢叫籌款,佢只係明白果D水係好凍,所以唔係咁啱佢哋,一來唔想浪費水,二來佢又可以感受一下。咁啱今日表弟上黎Studio影學生相,我就諗咗個主意換轉係波波等佢同表弟感受下,佢就當然樂意喇!仲好鐘意呢段片!睇完又睇睇完又睇,睇咗N次!但當再同佢講捐錢,佢都係唔係太明,都話要捐返比自己。拍既過程竟然好順利,平時幫佢影相多,好少要對白,今次講兩三次佢都做到晒,而且表情豐富,真係可以去拍戲!表弟仲攪笑,話好驚喎!笑死我哋!

Shaun & Aiden 既 Ball Bucket Challenge片段 (PS:呢兩個小朋友竟然係我唔知情之下係我幅活動既牆換轉咗個字!)

其實,捐錢係隨心,就算每逢星期三或六係街上面買支旗都算係捐,最重要係要自己明白同埋知道自己做梗乜,所以呢一刻佢唔明唔清楚,我覺得唔需要去為捐而捐,當佢知道明白才去做,這才算是正確。

今日見到網上面有呢幅相流傳!希望大家明白及真心先去做善事喇!

更多精選內容

There are no comments

Add yours