玩盡暑假 開學大吉

專欄

廣告

新學年開始喇!係呢度祝各位小朋友開學大吉!學業進步!最重要係身體健康!
轉眼間暑假已經完結,今年係我第一年同阿仔放暑假,雖然我哋無出外旅遊,但都過得好充實同埋好開心!今年好幸運,工作比以前順利,而客人都好明白我既處景,處處體諒,好多時候我都可以安排所有工作只於星期六或日做,而平日若真係有嘢做,幸得家人輪流協助,感謝每一位幫過我既人!所以我真係同Shaun Shaun玩到盡,以下係我哋七月同八月既活動回顧!
我記憶中,我哋係七月同八月分別係去過N次屋企附近既運動場玩(分別係室內遊戲室、圖書館、桌球室、乓乒球室及足球場留過足印)而另外就游過7次水同埋溜咗4次冰,間唔中就去朋友仔、E媽屋企、公公婆婆同埋嫲嫲屋企玩,最後再出席活動同去城市綠洲而餘下時間就去咗我公司玩同做咗3個訪問,以上所有我都會稱為學習經歷,因為我希佢可以順其自然去學習一切新事物,似乎今年暑假安排尚算成功。

回想七月份最開心既節目,就係佢哋生日活動!七月二日同埋七月十三日分別係Shaun Shaun同Aisling既生日,我哋就安排咗去樂園酒店住之餘仲玩足兩日!

另外,最開心就係好朋友、公公婆婆同表弟都係住附近,令我哋成日都可以去邊都一齊玩!我哋仲係以下唔同既角落留過唔少足印呢!

今日終於開學喇!2013年K1初上學仲係一個BB,一返學就喊!今日2014年開學日好叻仔!無喊之餘仲開開心心咁落車!仲話返學好開心!一齊比心機!加油啊!

只要你快樂!我就會快樂!:)