不會過氣的中秋活動

之前係面書流傳咗一段回收螢光捧既段片,自從睇咗之後真係唔係好敢再玩!所以中秋要環保,唯有畫兔兔!可惜,中秋節當日天氣不穩又加上Shaun Shaun最愛的表弟發燒,攪到我哋都無心機去公園玩。最後唯有又係屋企留下條天橋玩下!而中秋節翌日假期係星期二,星期三阿仔又要返學,所以完全無安排到任何追月活動,因為佢要早瞓覺。但我覺得今個星期六晚可以再去追過!雖然只係過咗幾日,我相信氣氛仍有!呢張相係咪好得意呢?我估玩開相機既朋友就唔會覺得難度高,但唔係咁識既朋友都可能想知點做出黎,呢個玩法其實就係我哋成日聽既”Light Painting”!

只要你有一部相機有手動模式,將快門調至4秒或以上(視乎你想畫幾耐)、如果係有光既地方,光圈可收細至11-16之間,而ISO就有咁低SET咁低,只要有一支電筒或依家流行既laser燈,向住個鏡頭畫,咁就得架喇!記得將個相機放腳架或者放地下同埋被影既主角要定定地!如果唔係就朦查查架喇!如果想寫字既就記得要反轉寫(原理就如照鏡一樣)。其實呢個活動任何時候都玩得,不過中秋玩好似方便D,因為隨手都會有發光既嘢係身!哈哈!

如果都係唔明,記得留言比我可以交流下呀 :)

你睇我兩隻兔仔幾可愛 :D

更多精選內容

There are no comments

Add yours