Happy Birthday to me!

轉眼間又過咗我28歲既生日(呢個係阿仔同人講既歲數),今年生日過得簡單但感覺幸福!

至於今年生日既願望,就梗係⋯⋯唔講得喇!不過反而我同自己做咗個回顧同埋反思!因為,我希望自己可以做得再好啲!

熟我既朋友都知道其實我開咗兩個Brand既公司,一間係親子攝影教室,一間係影樓,不知不覺都RUN咗有五六年,回望過去,2013年係我覺得自己攪得最成功既一年,因為終於可以KEEP到教班又可以影相,而且有訪問不再單單是講親子攝影或是幫明星家庭影相,而是講我湊仔的生活點滴分享!

之前定咗每年要攪一個大型活動!今年終於有機會再攪!有興趣可以click入黎睇下 :)http://www.kidssha.com.hk/pages.php?pageid=29

另外,隨著影樓及教室租約快將完結,又推使我再行一步,我亦希望可以快D搵到一個合適既地方,提供更多有趣既親子拍攝活動及攝影主題比各位參加!因為我腦裡實在有太多古古怪怪的主意好想試!

至於平日時間分配,隨著Shaun Shaun大個仔,好多嘢可以湊得輕鬆D,感覺壓力亦無以前咁大!其實,自從生咗小朋友加埋做公司之後,同以前既朋友距離好遠,平日只可以係面書同What’s app可以拉近返大家既距離,但要約見面,就真係好難!不過我都好多謝曾經係呢段時間黎支持過我既朋友!多謝係我生日既時候你哋仲會記得我!多謝你哋每一個祝福!

至於今年收到既生日禮物係乜?其實呢張相入面有既!我N年都唔會著一次裙,點解今次要著呢!咪就係為咗呢份生日禮物囉!呵呵!

話說我係都幾鐘意紫色既,成日都比人話乜你乜都用紫色架!咁我就試下將我有既紫色物品影低,其實都唔係太瘋狂姐!不過話說我買呢個背袋同埋買電腦個套果陣都比個Sales問:啊?其實我哋有好多唔同顏色選擇架!我:唔洗喇!就全部一樣都係紫色喇!因為你哋今次出呢隻紫色太靚喇!!!(呵呵~~~)而今年老公送比我既生日禮物就係呢對鞋囉,其實記得係好耐之前我睇中咗,一直都覺得太貴同埋諗唔到可以點襯,所以放棄咗!估唔到今年會收到佢!好開心!不過話時話我就即刻同佢講,咁我真係要為咗呢對鞋而買多幾條裙/吊腳褲同埋靚靚襪!老公就無奈地說:「一闊三大!」

Anyway,今年生日好開心!希望我可以繼續堅持自己既理想!多謝大家支持!希望各位可以繼續支持我喇!:D

更多精選內容

There are no comments

Add yours