Give me 10

專欄

廣告

點解要比個10佢?其實係比我哋自己喇~~因為呢排太忙,今日竟然係我百忙之中終於抽到一個小時同佢去細公園玩,開心得佢呢!
真係好忙,忙到自己連寫Blog都無時間,點解?咪就係忙搬studio,呢幾日PACK嘢,PACK到暈咗,但竟然係搬之前自己攪咗一個都幾大型既Halloween活動,幸得各界朋友支持!最榮幸係一班星級好朋友既相助,令呢個活動充滿驚喜!另一驚喜莫過於小丑王Ken Ken哥哥同佢個朋友仔一齊黎玩,加上背後一班功不可沒的工作人員,先可以令呢個活動得以順利完成~呢件事對我黎講真係好神奇!因為時間真係無乜,但好多好多好朋友無拒絕過我,黎幫我,令我一個人竟然可以係咁短時間做咗咁多嘢出黎,似乎係我一個新紀錄!以下既相都係左偷偷右偷偷,因為正式既相好拍檔仍在努力中!

我哋活動中有個嘩鬼Cat Walk活動,靚媽嘉嘉專業地示範令各位參賽者獲益良多!如果想睇更多活動連結,就要記得留意我既Fans Page

喇!

至於我個新Studio,裝修到七七八八喇!今次同以前唔同,以往Studio本應是教室,所以無自然光,但今次好幸運遇到這個地點,地方1500呎又有充足自然光,正正就係一直我好想做既gathering拍攝方式,十一月中就正式投入服務,各位記得多多支持啊!歡迎入黎緊貼Fans Page最新消息!我深信呢個地方一定為我帶來更多有趣作品!
呢排太多嘢做,但都仲可以頂住,真係要同自己講句Give me 10!!為自己打氣!!最後一星期倒數!加油呀!