東京9天親子自由行序幕篇

專欄

廣告

各位好!無錯!我回來了!之前失蹤咗幾個月係因為事業及家庭心太重,又要搬Studio同湊仔,24小時實在不夠用,唯有暫時放低一下寫Blog,令大家失望,真的有點內疚,所以今次有好嘢同大家分享!

今日下午六點落機及剛剛攪掂晒啲家務連相都未Backup完就寫呢個序幕篇啊!真係好有誠意架!:)

自從2011年3月11日本本州島東北海岸發生9.0級地震後所引發與緊接引起的海嘯,係福島第一核電廠造成的一系列設備損毀、爐心熔毀、輻射釋放等災害事件令我們都對以往大愛的旅遊熱點東京都避而不去,尤其是親子遊,大家都轉移了首選沖繩及大阪等地方,事隔4年,現在又怎麼樣了?

東京 ﹣係我同老公最熟悉既旅遊地方,而今次係4人出發,有奶奶亦有阿仔,所以行程不能太緊湊,出發前我哋都做足功課,目標為親子遊地方。

以下係我哋9日既行程,究竟親子遊出發前有啲乜嘢要準備好?而我哋點去每個地方?而每個地方又有啲乜嘢咁好玩?Frozen Fantasy有乜嘢咁特別?究竟阿仔係Kandu同埋Kidzania打工有乜嘢分別?點解要去曬兩間玩?就要留待呢幾日慢慢再同大家分享喇!實在太多相⋯⋯希望我可以短期內處理到。

9日行程

第一日 ﹣成田機場 > 品川 > 大崎

第二日 ﹣富士急遊樂場 Thomasland

第三日 ﹣海濱幕張AEON MALL(*去Kandu玩打工遊戲)

第四日 ﹣東京迪士尼海洋

第五日 ﹣東京迪士尼樂園 (* FROZEN FANTASY

第六日 ﹣台場 Toyota MEGAWeb Ride Studio > Kidzania(*再去玩另一個打工遊戲)

第七日 ﹣東京站(TOMICA及火車玩具)> 吉祥寺商店街>Coppice吉祥寺(*親子行行逛逛食食買買)

第八日 ﹣ 池袋 > 原宿 (*之前玩得太開心,大小朋友要休息一天,二人行街拍拖之旅)

第九日 ﹣品川Porter Stand (Porter新嘢,Porter迷不能錯過) >成田機場回港(鳴⋯⋯返回地球!)

PS:如果有人係我未出晒BLOG之前去Thomasland/Kandu/Kidzania/東京迪士尼FROZEN FANTASY想要D注意事項及資料,記得唔好催我寫blog,嘻嘻!歡迎SEND個電郵或留言問我喇!!(目標兩星期內可以出晒喇 :D)