醒來吧!

專欄

廣告

今日同個老友食午飯,傾開一個話題,就係 ﹣ 我雙眼就黎盲喇!

佢同我一樣,工作需要日日長時間要對住個電腦之餘仲要覆好多MSG,依家呢個年代,不單只朋友,連覆客,已經不單只電郵仲要覆埋What’s app,所以真係MON不離眼!

回想起因為時代變遷,智能電話既出現真係令我哋又愛又恨!其實邊個想機不離手?有時又真係身不由己!

今日返屋企途中,因為巴士好多人,所以我無攞手機出黎睇,但一到少返啲人(但其實都係企),都不其然即刻攞個電話出黎睇,其實又真係無MSG,但都要睇!又睇返啲舊既電郵同訊息又或者碌下個Facebook。

回家路上,我一直低頭,突然聽到一個小女孩同個媽咪講咗句說話,小女孩話:「媽咪,點解你掛住睇電話都唔拖我隻手?」果一刻,真係醒一醒!係時候轉換下生活模式喇朋友!共勉之!