誰是最佳戲子?

由於我哋住既地方最近既大型商場就係Megabox,所以一個月都最少去五次,近排因為放暑假,去得仲密咗!原因好簡單,因為呢度係小朋友放電好地方!話說Megabox 9樓開咗個Frozen主題既魔幻3D館,就Aisling係Megabox某食店開生日會當日(7月12日)見到開咗,果次太趕,所以滿足唔到呢個Frozen迷!後來我哋去Mega Ice溜冰,發現原來Mega Ice做梗推廣,溜冰滿$120就可以用呢張發票換到小童入場票一張,大家一定問我係點,我上網搵到以下廣告單張:

原來張單唔洗係當日即換,只要7月31日前去就可以,最後我儲起咗,睇下Aisling幾時得閒就一齊去,終於等到今日,我一去度就上咗九樓3D魔幻館counter換飛,記得係近Levi’s Kids果邊既Counter換喎!而另外大人果啲飛可以即場買,$168一張,嘩!張飛巧靚啊!(心心眼)Aisling一見到差啲搶爛晒!

今次係我哋第一次去3D館玩,出發前當然要影張相留念!睇下佢哋入到去邊個會表現(誰是戲子?)好啲?

一入到去,我哋就好快搵到心儀既3D相影,Shaun Shaun好交戲啊!但我唔知道個男人叫乜嘢名?

難得一家三口入晒去!我哋都忍唔住玩返張!邊個最有戲呢?XD

Aisling見到我哋玩得咁投入,佢都話要爭返口氣!你睇佢幾落力就知喇!

Shaun Shaun突然又黎擺晒pose!點忍到手唔影啊?

呢個小朋友真係好攪笑,人哋指示係企係Olaf隔離影!佢就遮住Olaf影,但估唔到出黎既效果又幾好笑喎!我改咗呢張相名做:「假如我是Olfa」哈哈!!

似乎Olfa好受歡迎!

嘻嘻~

平時我影得人太多,今次我想比人影多啲,黎得玩!就當然投入啲玩先至開心喇!呢幕係珍妮勇救Elsa!

同場加影,Elsa你咪走呀吓!

內裡實在太多幅,玩到Shaun Shaun都笑到梗晒!由於不能盡錄~~大家可以自己去感受下!

原來Mega Club 7月31日前都免費飛換,大家可以睇下:http://www.megabox.com.hk/monthly_highlight.php?mid=7-13&id=436&type=0

更多精選內容

There are no comments

Add yours