與寶寶的第二次旅行 之 首爾

懷孕確實有好多限制,唔可以似以前咁大吃大喝、奔奔跳跳,特別懷孕既期間情緒會變得好大起伏,所以好似我咁好動的人,面對咁大轉變的生活習慣難免會有D抑鬱。咁我會選擇點去平衡呢?

我選擇去旅行!我知道好多媽媽都會驚坐飛機會否影響胎兒或有危險,初懷孕時候既我都係咁諗,但是經了解後其實唔洗太擔心,因為懷孕中期(4﹣6個月)係安全期,呢段期間媽媽絕對係適合坐飛機既,當然都需要注意一些事項,例如:醫生認為你既身體是否適合,及準備一封醫生証明(因為沒有醫生証明不能確認你的懷孕週期,機組人員是有權拒絕你上機的);盡量避免坐長途機,因為長途機可能令媽媽血液不流暢,引起不息,若真的要坐長途應定時走動一下,及注意自己身體狀況;最後就是選擇的地點,搵一些較文明及醫療設備足夠的地方,萬一在當地發生狀況也可確保母子平安。

今次選擇來首爾,因為都係飲飲食食同行街,大肚婆都做得,而且我都幾鍾意韓國食物,除左生野之外大部分食物都可以食!

當然唔少得就係瘋狂購物,大肚都要著靚靚,買左好多型格oversize既衫,大肚繼續型!

著起韓服完全遮蓋住個肚,大肚都可以著得好靚!結果同我既朋友瘋狂拍照,短短半小時就影左數百張相。

今次大概係BB出世前最後一次旅行,而家叉足電,希望keep住呢份心情乖乖養胎,等待BB來臨!

睇左好多書藉,好多專家同醫生都說,懷孕雖然有很多東西要注意,但最重要的就是媽媽的心情,要懂得放鬆同時常保持心境愉快,這樣BB才能健康成長的。若果你跟我一樣喜歡出外,那就好好把握懷孕中期的時間,除非你捨得及放心在BB出生後交托別人照顧,否則就要待一段較長時間才可以再出走了!

更多精選內容

There are no comments

Add yours