準備走佬袋(入院袋)

距離預產期越來越近,最後一個幾月BB隨時可能會搶閘出世,所以一定要準備好入院既裝備!不過醫院俾既清單同上網搵既裝備都有唔同,兩者都有一D係必需既,而其它我個人認為準備得充足D到真係要用既時候唔洗搵屋企人走黎走去攞!

醫院清單比較簡單(私家和政府都有分別,下圖為政府醫院清單),除圖片既野最緊要就係帶身分證同先生既身分證副本:

呢一個就係我綜合網上人士認為要拾既走佬袋清單,當中有D可以視乎媽媽自己所需而加減:

文件類:驗血報告、母嬰健康院產前覆診咭及記錄咭、自己身份證、丈夫身分證副本

孕婦用品類:產婦衛生巾1包、網褲 4- 6條、普通或哺乳胸圍 2 – 4個、乳墊 8-10 個、紙巾1盒、濕紙巾 1包、床墊 2-4 張(預防惡露染污床單,可先向醫院查詢有否提供。)、傷口沖洗瓶 、收腹帶(剖腹分娩產婦作束緊傷口之用,可減輕痛楚。)、水泡(自然分娩產婦使用: 傷口痛時可墊著坐,以減輕痛楚。)、外套、長睡袍(方便護士檢查及更換衛生巾)、日用品(牙膏牙刷、護膚品、毛巾)、拖鞋 、襪、膠杯、密碼鎖、乾糧 (少許)、手提電話及充電器、零錢及八達通(必要時購買用品, 打電話)、出院時衣服 (最好是長褲,可家人後帶)

嬰兒用品類:初生嬰兒紙尿片 1包、奶粉1罐(預防冇母乳)、嬰兒用濕紙巾或棉花球 1包、嬰兒出院衣服(衫、手套、腳套、帽、包被)

之前買定既奶粉袋用黎作走佬袋一樣岩洗,好多分隔可以裝好多野,另加一大包尿片就攞齊晒!

更多精選內容

There are no comments

Add yours