減痛及助產呼吸法課程

選擇順產既媽媽真係需要好大勇氣,因為一定聽過唔少人講有幾痛幾辛苦,痛幾十個鐘之類!聽到係會心慌慌,但係大家都知道順產一定係對媽媽同BB最好既,而且復原得較快,所以都一樣無懼去嘗試!

如果你同我一樣選擇順產既,我非常鼓勵你去報讀減痛及助產呼吸法課程,因為上完確實令自己信心大增,亦都更加了解生產過程,同可以學習係陣痛時減痛既方法。上網搜尋呢一類課程都有好多唔同機構舉辦,不論去邊間相信都一定有幫助,當然搵一間較大或有信心既機構啦,一般都係搵資深既助產士作講解,所以絕對可以解答到你既疑問!

課程可以同先生一齊上,有先生陪伴佢亦可以更加明白太太生產時既辛苦,同時亦可以學習到係陪產過程點支持太太,係我上呢一個課程的導師更會邀請每位先生親身感受生產過程,雖然感覺點都唔會一樣,不過每位太太見到自己先生做示範都會表露出甜絲絲既笑容,過程真係好有趣同有愛。

課程會派發notes同一D媽咪BB用品。

選擇順產既媽媽要加油呀!!我都會努力運用呼吸法減痛,希望BB順利出世啦!

本人上之課程在以下網址報讀:

http://www.bbcare.hk/index.php?page=course&pages=1&pageCatId=5

更多精選內容

There are no comments

Add yours