清胎毒及催生糖水

已經搭入38周喇,去到最後階段隨時迎接寶寶既來臨!懷孕初期至中期對飲食都需要注意,太涼太濕熱既野都唔掂得,但經過咁多個月冇食涼野,自然累積左好多毒素係身體,所以去到後期成日都話要清胎毒,咁到BB出世既時候就會又白又滑喇!

 

一般大概7﹣8個月已經可以開始食少量涼性既食物,去到9個月就可以增量,食多D都唔怕,以下有幾款可以清胎毒既糖水同食物;

 

WATERMELON

 

西瓜:比較平穩既涼,所以食左都唔需要太擔心對寶寶有太大影響!特別夏天可以食真係爽到爆^^不過西瓜糖份高,如果有妊娠糖尿就要注意喇!

 

椰青

 

椰青:千祈唔好買錯椰王,因為椰王係熱性既,椰青先係涼性GA!

下頁:助催生糖水

海帶綠豆沙(助催生)

 

 

綠豆有清熱利水、降壓降脂、催生的作用, 具清熱觲毒的療效。綠豆性涼, 會令產婦易早產, 建議煲糖水時應加陳皮, 因為陳皮性溫理氣(即行氣), 有肋中和綠豆的涼性。

 

材料:
綠豆1斤約604g
乾海帶30g
陳皮1塊
清水3500g
冰糖適量

 

做法:
綠豆浸4個鐘以上,海帶(切條)及陳皮浸軟,綠豆發陳皮加入滾水用大火煲至起沙,再加入海帶煲15分鐘,最後加冰糖即成。

 

腐竹雞蛋糖水

 

腐竹雞蛋糖水

 

注意白果不要下太多,因為有毒素,容易腹瀉。

 

2人份量材料:
白果(已去殼) 10至15粒
腐竹 1至2塊
雞蛋(可以不加)1隻,若不喜歡烚蛋可做蛋花
滾水(開水) 1500毫升
冰糖 酌量(血糖高不要落太多)

做法:
白果洗凈,下滾水(開水)裏,用中慢火,煮至軟身,約 40至 45分鐘。(即食的不用),腐竹用水浸軟,放入煲中煲至爛開。加酌量冰糖即成。如果喜歡加雞蛋同吃, 烚蛋後小心放入雞蛋,煮約2分鐘,熄火焗一會。或煮蛋花,加入糖水攪拌。

 

下頁:另外兩款助產糖水推介

芝麻糊(助產及滑利胎兒)

 

 

芝麻有潤腸通便、溫補的作用, 身體虛寒的孕婦, 通常都會有便秘的毛病, 胃口差, 大便雖軟, 卻無力排出, 而做成宿便。若生產時有宿便, 會阻礙直腸, 令孕婦難以將BB推出產道, 再加上孕婦腎氣哀弱, 生產更加困難。

 

白蓮鬚煲雞蛋(助產及有助清胎毒)

 

 

我8個月開始有食,大概一星期食一次,因為太遲就冇功效,但到9個月反而唔敢食,因為上次上助產班既助產士講,而家既白蓮鬚同以前既有分別(污染問題或其它原因),有部分孕婦食完到生既時候宮縮頻率好亂,所以佢唔建議食,所以各位自己考慮一下。

 

材料:
白蓮鬚15克、雞蛋1隻、冰糖適量

 

做法:
可用白蓮鬚二錢(約10克)煲雞蛋(雞蛋先煮熟,剝殼後納入),白蓮須用水兩碗小火煎至大半碗,可酌量加冰糖


更多精選內容

There are no comments

Add yours