我既小天使Kibby出左世喇!

專欄

廣告

期待左10個月我既小可愛終於係9月7日出世喇!自從係36周開始每日都諗BB幾時出黎呢?幾時會穿水見紅,日子越耐我同爸爸就越心急,到後期更加怕BB過期居留!好彩最後係預產期前3日出世,BB足晒月非常健康,有3 .225KG,仲遺傳爸爸既長腿添^^

除左10月懷胎既種種,親身感受左10級既痛楚,更明白媽媽既偉大同勇氣!一向忍得痛既我,係冇任何麻醉底下,由最初級陣痛到十級痛足足廿小時以上,最後更痛到有D幻覺出現,果一刻淨係諗好快捱過就見到BB喇!我做到既!一入到產房BB急不及待要出黎,差少少爸爸就miss左親眼見證BB出世果刻!見到BB所有痛楚都忘記得一乾二淨,爸爸同我內心只有感動同喜悅。