收腹帶的驚人效果

收腹帶的驚人效果

其實呢一編本應係產後第一編想分享既內容,因為日子上post出黎大家會更加相信效果既真確性!但真係因為湊BB同坐月太累同需要多休息,最後到而家先post,請各位見諒><不過我可以發誓相片既時間係千真萬確!

我諗個個生完最怕就係驚修唔到身,就算瘦底都會怕個肚會鬆同收唔到,我都一樣好驚(我仲想著bikini同露臍裝),加上早前我家姐比我早4個月生完BB(對唔住出賣左你haha…),但因為怕痛(剖腹產)同覺得cool住好辛苦,所以冇用收腹帶,結果到我生之前同我個肚一樣大,好似BB仲係肚入面咁><唔想咁樣就要係黃金3個月修身同收肚!!

子宮係頭6星期係收縮得最快,所以呢段時間唔可以懶,一定要用腹帶!我自己由產後第一日已經用。

產後一星期既效果,側面睇有小肚凸出,不過我諗應該唔似生完一星期卦!

產後12日既效果,肚子完全唔見左,係咪太神奇?!當然肚皮一定會鬆左,不過就要靠運動收緊喇!

當然唔係每一隻收腹帶都有咁好既效果,一般既束腰褲係唔得既!一定要揀D可以調鬆緊,每細一D又cool緊D先可以達到效果。我要多謝介紹我買呢條帶既朋友,因為效果真係超明顯,大家不妨試下!

購自:Seraphine Paris

更多精選內容

There are no comments

Add yours