【紅椒番薯魚蓉素麵】

夏天熱辣辣,我地大人都未必想食飯,何況係熱到出煙的粥?小朋友其實都一樣,胃口都會被天氣影響的。

之前我講咗好多粥仔及軟飯食譜,係時候轉吓新意思,今次我地就為寶寶煮麵啦!喺街市麵檔,你可以搵到一種叫「素麵」(唔同麵檔有唔同叫法),佢係幼身、軟身的白色麵條。其實唔只麵檔有得買,一般超市都可以搵到乾身的極幼麵條,有些叫福建麵線,有些包裝上都叫素麵。其實幼麵條有很多種,即使是西式的“天使麵”都適合做這個食譜的。

一般小朋友每日吃三餐正餐,如果每餐都只吃飯,其實好悶的,所以各位爸打媽打都可以嘗試用素麵/ABC粉來代替米飯,讓寶寶食落口感有驚喜,從而找到更多吃固體的樂趣 ^^

【紅椒番薯魚蓉素麵】適合10個月以上寶寶食用

材料:
紅甜椒¼個(去蒂,去籽,切幼粒)
黃肉番薯1個小(去皮,切幼粒)
黃花魚1條(去鱗,洗淨)
素麵適量
水6杯

做法:
1)黃花魚蒸熟,取出,去皮、去骨、拆肉,備用。
2)將水煮滾,下甜椒和番薯以中火煮至腍身,加入素麵煮熟(有需要可先注入多點水煮滾,才加入麵條),瀝去湯汁,盛起所有材料於碗內,最後拌入魚肉,即成。

提提你:
素麵(幼、軟身白色麵條)於街市麵檔有售,或者可選購超市可買到的麵線/素麵。

更多精選內容

There are no comments

Add yours