【鹽粷肉碎番茄煮豆腐】

專欄

廣告

話咁快阿Bu已經16個月大啦,由佢6個月大開始,我就實行於粥仔或軟飯中不加任何調味料,只利用豐富的新鮮食材的鮮味來吸引佢,因為我希望從小就同佢一齊養成不偏食,不重口味的飲食習慣。我認為小朋友長大後有無數的日子去嘗試重口味,所以呢刻實在不必急著要佢地食“大人野”。但當然,適量地採用鹽和糖,對小朋友都係好事,因為豐富及多層次的味道係可以刺激到佢地的味蕾,擴闊他們對食物的認知及一定的興趣。鹽糖之類的調味料,其實都有好多選擇咖,例如今次為大家介紹的 「鹽麴」。「鹽麴」係經天然過程發酵而成,鹹度較低,對腎臟的負擔較小,而麴中亦因含有分解酵素,可軟化肉質,所以係一個健康的醃料和調味的選擇黎咖~~

【鹽粷肉碎番茄煮豆腐】適合10個月以上寶寶食用
材料:
鮮冬菇・・・・3粒(沖淨,去蒂,切粒)
番茄・・・・・半個(洗淨,去蒂,切粒)
豬肉碎・・・・2-3湯匙(用篩沖淨,瀝水)
清水・・・・・1/2杯
滑豆腐・・・・適量(切粒)
軟飯・・・・・1碗(放入篩內略沖洗,瀝水)

調味料:
鹽粷・・・・・1/2 茶匙

做法:
1)豬肉碎和鹽粷拌勻,備用。
2)熱鑊下少許油,下鮮冬菇粒、番茄粒和豬肉碎以中火略炒,加入水清煮滾,轉以慢火將全部材料煮至軟身及熟透,然後加入豆腐拌煮熱,盛起,伴以軟飯食用。

提提你:

「鹽麴」是由米麴、鹽和水混合,經時間發酵而成。鹽麴的鹹度較低,對腎臟的負擔較小。而麴中因為含有分解酵素,可軟化肉質。