【梅菜魚蓉煮豆腐】
廣告
我之前都講過我家裡的Miele蒸爐有多好用～ 好似今次呢個食譜咁，我都係將所有食材先蒸熟，然後才開爐煮芡汁，的確慳了好多功夫和清洗步驟。
而今次整的【梅菜魚蓉煮豆腐】，食材中都有用上次講過的“梅菜”。要澄清一點，我其實唔係成日用梅菜整小朋友菜式，因為梅菜始終係醃製的菜，含有很多鹽份。今次再介紹都只係比大家多一個idea，而使用梅菜的份量亦只係好少（至在調味），而且要完全浸洗後瀝水才烹煮。大家要記住，梅菜只係用作調味咖咋，營養始終要由其他食材供給小朋友吸收。
【梅菜魚蓉煮豆腐】適合15個月大或以上寶寶食用
材料：
黃花魚・・・・・1條細
梅菜・・・・・・少許（用水浸軟，洗淨，切碎）
菜心・・・・・・3-4棵（洗淨，切粒）
布包豆腐・・・・1件
蠔油・・・・・・少許
生粉水・・・・・1茶匙生粉＋1湯匙水
做法：
1）預熱Miele蒸爐；將黃花魚放入蒸爐以100度蒸熟，取出，去骨取肉，備用。
2）豆腐放入蒸爐以100度蒸熟。
3）煲內注入水，以大火煮滾，轉慢火，加入梅菜和菜心煮熟，加入蠔油調味，加入魚肉拌煮，然後逐少加入生粉水拌煮至汁稠，再倒上豆腐食用，即成。
提提你：
梅菜含有較高的鹽份，所以必需先浸軟洗淨去水後才烹煮。另外，蠔油份量也不宜加入太多，因為小朋友的菜式應以清淡為主。
