廚餘都可煮出好B菜式【雜菜雞粒炒飯】

// 廚餘是有機廢物，容易腐爛，棄置在堆填區，會產生大量溫室氣體如甲烷及高污染滲濾污水，嚴重影響環境。//

每日我地入廚或用餐後吃剩的食材
其實只需要加入少少心思
喺好短時間內都可以做出好味又豐富的小朋友菜式 ^_^
減少廚餘可令環境負擔無咁重
為環保出一份力，大人細路都可以做到㗎！
今次我就用咗我
入廚用剩的蘑菇、已炒的雞粒、吃剩的白飯和番茄湯。
然後只需加入一至兩樣新鮮的食材
呢個「環保午餐」阿Bu食到咀lam lam呀！

【雜菜雞粒炒飯】
材料：
四季豆・・・・2條切段
蘑菇・・・・・2粒切片
熟雞粒・・・・2湯匙
冷飯・・・・・半碗
番茄薯仔湯・・3-4湯匙
玉子豆腐・・・3-4塊

做法：
1）熱鑊下少許油，下四季豆以中火炒熟，再下蘑菇、熟雞粒和白飯炒勻，然後加入湯（清水亦可）炒至材料熟透。
2）另外，我亦煎了幾塊玉子豆腐來豐富這個廚餘菜式。

貼士：
煮比小朋友食的廚餘菜式，最好都要加入一至兩樣新鮮蔬菜作調整菜式的營養。
另外，廚餘材料是不宜選用已經放太久的食材，使用前亦要先檢查是否已經變壞，味道一有少許變化便不能使用。