【羅漢果茶】

專欄

廣告

陰公豬,有幾聲咳,點算好?
我同阿妹細細個的時候,爹哋媽咪一見到咁就會即刻用羅漢果煲水比我地飲。
依家掉轉角色,見到阿Bu有少少咳,我都即刻會諗起要整呢個「羅漢果茶」。
但我依家仲會加埋鴨梨同紅蘿蔔,令到啲水煲出來更清甜,更易入口,而且更滋潤。

【羅漢果茶】適合1歲或以上小朋友飲用
材料:
羅漢果・・・・1個
鴨梨・・・・・2個
紅蘿蔔・・・・1/2條
水・・・・・・10杯

做法:
1)羅漢果沖淨,用手將它略壓碎。
2)鴨梨去皮,沖淨,去蒂,去籽,切件。
3)紅蘿蔔去皮,沖淨,切件。

4)煲內注入水,放入羅漢果、鴨梨和紅蘿蔔,大火煮滾,轉中慢火煮45分鐘,完成。

貼士:
選梨要買「鴨梨」才有藥膳價值,而且要蒸過或煮過的梨才有更好的止咳潤肺的功效。