虎鯊阿媽

不要做可怕的 虎鯊阿媽

專欄

廣告

早兩天跟Ocean的同學到佢地的會所游水。見到一個 虎鯊阿媽 !

有一個大慨高小的小朋友在練水。我們在池邊聽到原來佢翌日有泳賽。而那小孩便1.5小時不斷的被阿媽操水。那位大媽,不斷在池邊大叫大嚷。小朋友每次換氣都在旁數著,大聲的指指點點。

每次跳水後,潛多久才上水要計時;幾多下手到對岸又要計次數;潛水後上水面望前先還是出手先又要計較;每一次都計時,一直在池邊大聲批評一些我也懷疑她懂不懂做的動作!時間做得不好又要罵要加操,真係參加泳隊的練水也沒有那麼辛苦。

她不斷叫著:「9.25秒,太慢喇!你知不知你…(下刪100字)」,「8.57秒!這才像樣!頭先因為你…(下刪100字)」,「10.25秒!有無搞錯!慢咁多!點解!你知唔知你做錯乜?(下刪100字)」「10.37秒!有無搞錯!再慢咁多!點解!你有冇盡力?(下刪100字)」…一直吵下去…

係!我太八掛喇…多次游過去聽佢的“專業指導”!有幾次聽到她責備孩子,我差點兒要上水去回佢嘴!

「大媽! 9.25秒跌到10.25秒咪係因為攰囉!遊左成個鐘喇!你有無腦嫁?你識唔識游水嫁,你去試下啦!」

那個大媽在岸上吵:「點解!?點解你上次三下可以到對岸今次唔得!?你用左4下!」阿仔答:「好煩啊…我盡左力啦…講你又唔聽…」大媽:「點解你盡左力都只係咁?點解都係要4下?明明你可以做到!點解你盡力只係咁?」

下頁:心痛孩子

我在和那個小孩的同一水平面,看著那個小孩的無奈樣,真想爬上水去車巴掌那個大媽!你站在岸上指指點點,有無落過水試下小朋友做緊乜?佢幾大?得那十歲八歲!俾你操左一小時!3下和4下!你落黎做下喇!

因那只是個leisure pool,腰果形,在那不規則的池練水要幾多下手到對岸基本上極不科學。加上這個池跟標準池的長度也不一樣,勉強練要數幾下手跟本沒有教學意義!這個小孩的年齡,其實游水的動作還是很impulse亦有每個人的第奏。勉強去追求外人定下的次數是真的很無謂!

那個大媽用個電話計時,佢反應慢少少都已經差距她那斤斤計較的的0.57秒了!這樣不是超無聊嗎?

更甚是,大媽話小孩再唔努力,晚上7 -9時再補多次鐘!癲的嗎?明日比賽,今晚想玩死個仔嗎?

戲還沒完那大媽操阿仔操了個半鐘後終於俾個仔上水,可以走了。阿媽一路咦咦哦哦繼續教仔。阿仔一路忿忿忿不平,一路話阿媽好煩。大媽就話佢駁嘴,又話要加罰甚麼10 minutes!救命,作為一個旁人,好想去答嘴:「大媽!你阿仔話你好煩不是駁嘴,是客觀陳述事實!我地在你旁邊遊水聽見到覺得你好煩!」

事後檢討:

  1. 好多時候阿媽都會太肉緊一D成績,肉緊到個情度係,有D吹毛求疵。
  2. 唔識那樣野,無謂自己扮教練。你教的方法對嗎?明唔明白練習的原因先?留番俾專人啦!
  3. 適當的時候,將自己放番到小朋友的角度再看吧!我在水中看到的是一個盡了力的孩子。
  4. 做人做左幾十年,唔係唔知有時盡左力都係無寸進的吧! This is life.

 

關鍵詞
虎媽