“給自己俾分數”做功課法

第3行尾3那個是改到80分那個,最尾兩個是佢自已覺得80分那兩個。還可以。前面係篤住改到OK的。

 

Ocean的幼稚園其實一直都無功課,只係上音樂課每星期有有限的作業。自問無乜耐性,EQ又唔高。要陪做功課及練下琴,其實都幾苦差。(當然,見其它朋友的kindie日日有3份功課,其實我已經唔應該complain。)如友人所言,做功課的本質係好違反人性。要未懂事的小小人配合真係好難。

 

早前音樂老師要Ocean練寫 “G clef” ,如以往,要陪佢寫。佢每寫完一個要我睇,見佢寫到唔靚,又要指正佢要佢擦左再寫過…搞左一輪,悶死我…其實都只係要寫10個。我在旁指指點,不單我悶,其實將心比己,佢都應該覺得好難頂。

 

結果忽然靈感到,見到Ocean寫了一個像樣一點的,我俾個80分佢,然後同佢講,“為免大家無癮(哈哈,我係咁講,不過文雅D的話可以話,你大個喇…),不如你自己寫完一個G clef後,自己俾個分,如果覺得好像這個80分那個咁OK的話,先叫我睇啦。”

 

之後我就在側邊睇書喇。之後,佢寫完一個叫我,我問佢OK嗎?佢話唔得,我就問佢“唔得咁點好啊?”,佢就話要再寫過。之後佢自己擦左再寫過囉…搞左一陣,終於同我講有個80分的了。咁我check下,又OK喎…咪叫佢繼續囉。

 

如事者,佢又搞左一陣,今次佢話厘個OK…結果就係,唔洗淹淹悶悶咁做好厘款抄寫功課,而又做得唔錯。

 

下頁:陪小小孩做功課分享

這只是我厘個跟功課初哥的小小體驗,大小孩的work唔work我唔知,不過對小小孩應該有用。當然,咁樣做,都好花時間,因為都有少少自動波。太多功課時,是否實用我就唔知喇,不過我發現,以我的情況,做功課的表現大大改善,而我又唔洗望住佢咁煩。

 

分享:

1. 小小孩的concentration span好短,一次真係唔好做咁多。(當然,有D學校超多功課就無辦法啦。)

 

2. 要記住做功課係遺反人性的,所以4、5歲的小小孩通常喜歡有人陪。我會睇住自己書陪佢。係書,唔係雜誌,唔係電視。亦都唔幫手。

 

3. 自己俾分就順便訓練佢自己對自己的工作負責,做得好唔好,唔係人地話你知,係佢自己都要有個judgement。

 

4. 之前playgroup老師教過,要佢記得的事,要佢親口講一次(即係processed左一次)。或者佢誤打誤撞做的好事,也可以叫佢口講番出黎一次,印像會深刻好多

 

5. 有時候,一開始肯多花小小時間麻煩一下,以後就有好日子過。就好似Ocean 3歲就開始試自己沖涼,搞到浴室濕晒又多功夫,但個結果就係,佢3歲半我就可以在佢沖涼的時間偷閒了!

 

各位家長共勉之!

更多精選內容

There are no comments

Add yours