旅行中的小習作 2

專欄

廣告

旅行中的小習作 2 – Travel Journal

 

 

我們在今年初,帶Ocean去北海道時開始帶一本簿俾佢寫journal。乜都得。結果我地每當有時間就會畫公仔紀錄下見過D乜。我發現,一齊畫過的事物,佢之後的記憶會深D,因為有recall過嘛。

 

 

 

又因為每次假期後,老師都會問佢地假期做過乜。咁結果,那次北海道假期因為有本記錄簿,佢可以睇住慢慢講俾同學仔聽。(佢講野唔叻,無D插圖,同學仔可能唔知佢講緊乜!)

 

 

之後,老師都有同我講話厘個做法好好,一來可以幫助小朋友「寓學習於旅遊」,二來本記錄可以印證住小朋友的成長,係有好好的記念價值。所以之後我地兩次旅行都會帶本notebook去。

 

 

我不太著重佢畫乜寫乜、亦唔理佢畫得有靚唔靚。因為其實重點係通過記錄,令佢佢印像加深。所以畫得靚唔靚根本唔重要。