Ocean終於默到佢個中文名喇!

佢個名…唔講得笑…所以我從來無要求過佢要識寫。

Ocean終於默到佢個中文名喇!(當然,好多人覺得就黎5歲先識寫名係好弱雞…)

我呢,一向唔理人地嘅。

人地D仔女同Ocean咁大可以寫句寫文喇,我都唔理。我唔想佢抄中文抄到第時唔肯陪我去練書法。所以中文方面,我從來無逼過佢去練寫字,除左學校上堂會寫那些,基本上我地唔會點練。

咁昨晚,Ocean忽然對住上年老師print俾佢的大大個中文名,若有所思。

我問佢“你係咪想學寫名?”

佢話 ”係,班上有幾個同學仔識寫中文名。我唔識,個名好難啊。” (咁又係事實…)

咁我就話,“好啦,今日媽媽教你寫個「蘇」先啦!有媽媽教,好易嫁咋!”

咁樣,我地就開始解剖個字喇。佢發現有兩個「十」,一條魚,一撇和一個「木」。咁佢就記住,「蘇」係“十十魚魚食左一條木”。

之後,不用10分鐘,就寫熟左!

原本打算第二日才學的超高難度「瀛」字,佢都要挑戰,佢話係「3點水好似七但唔係七,口加月亮女孩子和一舊野」。又係10分鐘唔洗記埋。

結果,終於,佢無啦啦在毫無壓力下成功搞掂厘個為眾auntie uncle譽為超高難道的名!wakakak!

我想說的是:

1. 自動自覺想去學習是最成功的學習。事半功倍。沒有壓力下,:有誰會想到可以15分鐘記熟「蘇瀛」?

2. 遲開始跑唔一定輸。可能節省左很多慢慢爬的時間。我相信我個仔的人生是長跑。不用贏在起跑線。

3. 學所有野都有方法嘅,睇多D書會知多D。我係學緊黃震遐醫生的中文字母寫字口訣。當然未學識,但用緊同一concept。我會繼續努力學習!

4 . 因人而異:我不勉強OO跟其它寫字勁爆的小朋友般用1寸乘1寸的小格寫字,尤其是佢個名!依家改用朋友送的紙磚,一張一個字,每個字砌到方方正正先,開心好多!中文字是方塊字,一定要有方型規管著。但字體大小,I don’t care!我寫書法都偏好超大隻字。Wakakaka。

5. 大前提係…Ocean唔洗interview表現自己…可以行自己的步伐。沒有壓死人的功課,每天都有空閒的時間去自己發掘興趣。今早佢決定要寫一句好長好長的中文…我就找來「小明小明小小明上上下下左左右前前後後火車穿山洞」大部份字佢都認得,又易上口,希望佢下星期寫到啦。

後記:佢真係默到喎。中文老師告訴我,Ocean上堂「表演」寫名俾佢睇!哈哈!

更多精選內容

There are no comments

Add yours