填顏色～媽媽同小朋友都識！！

個個都話返工壓力大～～～其實做咗媽媽之後，就會明白做全職媽媽，要廿四孝但又堅拒變怪獸，陪住boss女同boss仔成長，又要佢哋學獨立，當中嘅壓力真係自己先知…….

最近日日開facebook或instagram ，都俾五顏六色嘅畫洗晒版，我婷婷媽當然捉埋個仔一齊填顏色減減壓啦！我有我扮文青畫，阿仔有阿仔扮藝術家畫，呢本Secret Garden填色書係近期至愛～～～

韓星效應
呢本咁hit，都係受韓星效應啦~~韓劇《製作人》及《BLOOD》中嘅IU、安宰賢，少女時代、韓國男團SHINee成員Key、金來元都係Secret Garden嘅fans。

啲星百忙之中都大玩填色減壓……我呢個潮媽一….定…跟…..

引導小朋友創作
小朋友喺5歲以下，腦、眼與手嘅協調仲未成熟，畫畫嘅創作力不足，透過選擇柔和嘅顏色，再配合埋可愛嘅圖案，提高小朋友嘅創意～～唔怪得之阿仔講大話嗰陣……咁有創意啦hahaa～～

填色釋放情緒
人人都希望可以忘記煩惱，停留喺最開心最簡單嘅空間，填顏色只需要隨心情塗色，想點就點～～～喺婷婷媽嘅秘密花園入面，花唔一定係紅色，樹唔一定係綠色，成個世界可以五顏六色，呢個塗色過程中，可以令大家專注而且放鬆心情，激發創意….

平時日日喺屋企習慣咗一起身就拎住部iPhone，學煮野食都係上網睇YouTube…成日對住啲電子嘢，成個人都真係好似冇好好咁休息過～～原來用最簡單嘅畫筆，就可以擁有少女般嘅平靜心情，留喺屋企用心去享受…….開心就係咁簡單喇!@!