拒絕浪費 9月環保過中秋

圖片來源:網上圖片

過節=浪費?
節日好多時都俾人冠以「浪費」兩個字,其實過節都可以好環保。

2014年有環保團體做過「中秋消費及慶祝習慣」調查發現,喺上年中秋節,全港家庭丟棄多達150萬個月餅;而處理100萬個月餅罐,最少需要3萬蚊。相反,如果將呢批月餅罐回收再用,例如製成建築用嘅鋼筋,仲可以帶嚟20至25萬嘅收 入。

DIY燈籠

其實要教小朋友環保,不妨可以身教,好似我婷婷媽咁,最鍾意同阿仔做小手作,趁住今年中秋,不妨可以一齊整番個環保燈籠。

方法1:
所需材料好簡單,可以利用一啲用完嘅紙杯或一張摺成圓筒形畫紙,鎅開中間成條狀,稍微屈一屈就成為燈籠主要部分。再喺水杯底部鎅個窿穿線,再扣上得意圖案,咁就完成喇!


方法2:

用圓筒形廁紙筒,再喺紙筒上面加上畫紙,喺畫紙上畫上圖案,令燈籠更加tailor made。

方法3:

利用較薄身的手工藝紙,捲成圓筒形,再喺紙上貼上樹葉。只要喺紙筒內放一盞電子蠟燭,就可成為燈籠或家居小燈。

環保月餅

其實中秋離唔開食下、玩下又1 day。咁蹺未到中秋已經收到親戚們送嘅月餅,最知我心嘅表哥,就送我一盒環保月餅套裝。

等我講下點環保先啦,皆因個月餅盒用蔗渣物料造,可以直接放入藍廢紙回收箱,今次仲同潮牌:CHOCOOLATE同小克合作推出,夠晒得意!食完之後,仲可以將月餅盒變身實用小家具收納雜物。

仲有CHOCOOLATE X 小克Crossover 潮Tee一件。

所以,過節是否過得環保,視乎大家如何選擇,家長不妨好似婷婷媽一樣身教,從小灌輸環保意識。

更多精選內容

There are no comments

Add yours