好有愛嘅奶粉品牌

好有愛嘅奶粉品牌

(Presented by 美贊臣營養品)

偶像楊千嬅嘅最新電影《哪一天我們會飛》成績相當唔錯,不過喺佢近年嘅作品之中,其實我鍾意嘅係早排由關信輝執導嘅《五個小孩嘅校長》多少少。冇計,做咗人阿媽之後,始終都係鍾意睇一啲有教育意義嘅電影。

講起關信輝導演,佢嘅最新作品係一套微電影,講一個改編自真人真事「新生嬰兒代謝病」病患小朋友嘅家庭,淨係聽個主題已經知道套戲好洋蔥好Family,不過應該啱晒同對豆釘一齊睇。睇到最後,係阿仔同我講番,原來套微電影係美贊臣有份贊助拍攝嘅,佢認得美贊臣個logo係阿妹有飲開嗰隻,我就話佢細個嗰時其實都係飲佢。

12270012_10154322633413976_1303888671_n(呢套微電影睇到我眼濕濕,邊個父母唔想仔女健健康康,不過有時都話唔埋。如果可以早啲驗到有事,就有機會扭轉命運。)

美贊臣今次除咗贊助拍攝咗一套咁有愛嘅微電影之外,聽朋友講原來佢哋仲同夏約書孤兒症基金會推出《一步護一生》計劃,支援代謝病篩查嘅研究工作、舉辦一系列嘅教育講座,希望加深市民對代謝病嘅認識。仲話若果能及早確診和治療,就有機會改寫孩子嘅一生。各位準爸爸媽媽記得要留意!仲有,我啱啱先知道美贊臣原來係全球極少數堅持生產代謝病配方奶粉嘅公司之一,為有需要嘅孩子帶來希望。

美贊臣一向都有做開唔同嘅公益活動,美贊臣自2009年開始贊助「香港小童群益會」推行「美贊臣童懷希望」計劃,協助提升低收入家庭兒童嘅健康知識及發展潛能,至今受惠人數已超過8萬人次。另外,自2012年起,美贊臣支持「香港小童群益會」舉辦「360湊B無難度」新手爸媽支援計劃至今,大受歡迎,而早排嗰個成功打破「最多人砌成的積木模型」嘅全新健力士世界紀錄,活動後都捐咗啲積木去「香港小童群益會」同「聖雅各福群會」。