澳門親子尋找魔術之旅

專欄

廣告

(Presented by 新濠影滙)

就嚟放聖誕假,做學生嘅可以輕鬆下。不過有小朋友嘅都知道,仔女得閒嘅時候,即係你好唔得閒嘅日子,要抽時間陪佢哋嘛!OK!我一向都buy親子關係要培養嘅!早排就同對仔女過咗澳門「魔幻間」玩!唔錯,值得同大家推介!

「老少咸宜魔幻show」

「魔幻間」同「水舞間」來自同一集團,「水舞間」口碑唔錯,果然「魔幻間」都相當好睇,入面嘅show老少咸宜,我老公一向都鍾意睇魔術表演嘅,但真係估唔到對仔女睇得仲興奮過佢!而我,當然相當滿意啦!一張飛睇足90分鐘3個劇院4個魔術師表演,師奶本色淨係「抵」已經好吸引我!

「可以體驗嘅magic」

個show 好特別,唔係淨係睇魔術表演,仲有得體驗!好似入場咁,我哋需要半摸黑咁通過一條四面圍鏡嘅「時光隧道」。行到一半突然有個影像會彈出來同你講下嘢,後尾先知道係呢個「魔幻間」嘅設計師。成個氣氛有啲似探險,同神秘嘅魔術好夾。

周圍都係鏡,我哋成家大手拖小手咁撞咗幾下先過到條通道,過程相當好笑。

「法寶廳」X close up magic

喺「法寶廳」等入第一個劇院期間,已經有魔術師同我哋玩下close up magic 。阿仔走嚟走去都有發現,就係入面嘅擺設,好似呢幅畫咁係會跟住個人郁。

對仔女對住幅畫來回行咗十幾次都有,不過都好高興佢哋咁有好奇心。

「古堡劇院」&「魅戲劇院」

之後觀眾被分成一半輪流入唔同劇院,我哋先入由一對鬼馬夫婦表演嘅「古堡劇院」,然後入靚仔魔術師嘅「魅戲劇院」。聽講劇院嘅魔術師會轉下人玩唔同魔術,仔女知道已經話要嚟多幾次。

「古堡劇院」嘅魔術師夫婦會同現場觀眾大玩互動,小朋友都玩得好開心。

「魅戲劇院」係我嘅最愛,魔術同音樂嘅氣氛好夾,魔術師變下金魚咁,好令人陶醉。

之後就到重頭戲出場!大師瞓身演出,加埋大型魔術裝置、音樂同燈效,現場氣氛好高漲!

其中一場係魔術師將自己綁喺鐵箱入面,然後掛到半空,當你緊張之際……

魔術師已經喺你身後好有型咁行出嚟。

現場仲有好多驚險場面,好似呢場魔術師「浴火重生」咁,都咪話唔緊張。

現場仲有啲無咁heavy嘅笑位,好似呢幕美女換衫換出個肥仔咁,笑死!

完場後去出口嘅 「魔幻禮品店」,再買番一兩件魔術道具俾對仔女玩!我呢個阿媽又功德圓滿喇!放假不妨帶仔女,同自己去見識下!

魔幻間

地址:澳門新濠影滙2樓

詳情:http://goo.gl/Jg2zvO

免付費電話: 800 900 783