4 大童遊澳門貼士

4 大童遊澳門貼士

(Presented by MGTO)

新濠影匯啱啱開幕,好多有小朋友嘅家長朋友都同 Travel佳講,好想一家人去澳門行番轉。不過, Travel佳身邊都有唔少怕煩嘅朋友,一諗起帶住小朋友去旅行就打退堂鼓。

其實, Travel佳成日講,帶小朋友去旅行一啲都唔煩,對小朋友嘅心智發展都好有幫助,而且一家人可以行開下,其實都係一個good idea!既然係咁, Travel佳就決定同大家share下童遊澳門嘅一啲小貼士,等大家可以去得easy!

第一招 Shuttle Bus 遊澳冇難度

澳門有咁多世界文化遺產同博物館,最啱就係同小朋友把臂「童」遊,不過好多家長都擔心要四周截車好唔方便。

其實,大家可能唔知澳門最近推出咗一個《論區行賞》巴士精華遊,concept就好似外國嘅hop on hop off bus咁,兩條循環綫,只需$100就可以喺唔同嘅景點於當日可無限次上落車,遊走澳門半島以及路氹兩地,車上更有導遊同免費wifi,可即時將同小朋友嘅「童」遊合照upload上網晒下幸福添!

查詢:http://goo.gl/6hLnll

第二招 酒店必揀親子房

唔少家長朋友都同阿佳講過出外住酒店,最怕就係酒店房入面啱小朋友嘅設施欠奉,又怕冇床俾小朋友瞓,又怕沖涼都唔方便。

不過,其實澳門有好酒店都有親子房,好似Travel佳上次就同姨甥住過,雙人床旁邊重有碌架床同好多玩具任玩,浴室重有專俾小朋友用嘅amenities同埋親子express check-in,完全唔使擔心。

第三招 必玩親子免費秘點

同小朋友去澳門,點止淨係睇下古蹟同博物館咁簡單,其實澳門重有好多免費嘅親子遊地點,好似氹仔嘅大潭山郊野公園就有一個免費嘅滑草場,俾小朋友坐住兜兜,由人造草坡一衝而下,現場重有唔少其他嘅遊樂設施,而且環境優美充滿鳥語花香,同小朋友去郊遊絕對係good idea!

第四招 發掘小朋友User-Friendly景點

好多人都以為澳門唔少景點都只係適合成年人去,而小朋友止步,其實絕對係一個wrong impression。

尤以澳門旅遊塔呢個區內首屈一指嘅挑戰刺激基地,可能你會以為小朋友只可以去觀景層參觀,而唔可以參與入面好多挑戰膽量嘅活動。其實,小朋友只要符合重量限制,唔單止可以參加SkyWalk,重可以試埋SkyJump或Bungy Jump突破自己添!

更多精選內容

There are no comments

Add yours