有驚有喜！5大朱古力雪糕月餅大混戰

早買早享受？

咁啱嗰日上網見到有雪糕月餅優惠，愈早買就愈平，完全違反咗早買早享受，遲買平幾嚿嘅原理！我梗係唔執輸，即刻買咗兩款嚟試下，一款雜錦味，一盒入面有4個唔同口味，包括忌廉曲奇、朱古力雪糕、蜜桃乳酪雪糕同士多啤梨雪糕。另一款貓山王榴槤就專登俾阿爸、阿媽，因為佢哋都係榴槤控，乘機買返嚟孝順佢哋。

驚喜位：阿媽一句：「外內都朱古力我直接食個朱古力雪糕好過啦！」秒殺咗大家。

實戰報告

返到屋企即刻攞盒貓山王榴槤雪糕曬俾阿媽睇，佢誇張到話打開之後隔住個包裝袋都聞到陣榴槤味，切開後就更加不得了，佢望到嗰啲金黃色嘅果肉已經流晒口水！跟住先再食雜錦味，食完之後班人多謝都無句，有讚有彈，多多聲氣！

驚喜位：「甘苦」與共，外層嘅脆皮朱古力，加上榴槤味超勁嘅雪糕，原來兩樣嘢夾埋嘅味道咁有層次，真係估佢唔到咁好食！

驚喜位：阿媽一句：「外內都朱古力我直接食個朱古力雪糕好過啦！」秒殺咗大家。

驚喜位：粉紅色士多啤梨雪糕加朱古力色嘅外層個look夠晒少女，士多啤梨味夠香濃，我至鍾意！

驚喜位：乳酪其實講真唔太夾隻苦苦地嘅朱古力，不過蜜桃粒雪糕幾有口感，都叫補番數嘅。

驚喜位：忌廉味幾香濃同埋creamy，但因為我太鍾意食甜嘢，所以可以甜番少少。不過抵讚位係啲曲奇碎增加咗個口感。

HeyYO!! 雪糕月餅
電話：2951 5724
網址：http://www.heyyo.com.hk/

圖片來源：網上圖片